Քաղաքակրթական ներուժը կեցության բարձրագույն արժեք է:

Հերոսներին ներդրել է թանգարանային սրահի միջավայրում

08.30.2017

Այսօր, օգոստոսի 30-ին Մոցարտի ծննդավայր Զալցբուրգ քաղաքում «Լուկրեցիա Բորջիա» օպերայի ներկայացմամբ կավարտվի աշխարհի երաժշտական թատերական արվեստի նշանավոր միջազգային փառատոնը: Այդ մասին տեղեկացնում է «taglur.am»-ը՝ հղում անելով «vedomosti.ru»-ին:

Ինչպես սովորաբար, այս տարի նույնպես, միջոցառման ծրագրում տեղ էին գտել 8 պրեմիերա, որոնցից էին Դոնիցետիի «Ֆավորիտուհին» օպերայի համերգային կատարումը և Դանիել Բարենբոյմի «Տրիստանը և Իզոլդան» հատուկ նախագիծը, որտեղ ընդգրկվել էր բացարձակ վագներյան երգեցողության մի ողջ աստեղաբույլ՝ Վալտրուդ Մայեր, Եկատերինա Գուբանովա, Պետեր Զայֆերթ և Ռենե Պապիե:

Իսկ ավելի ճշգրիտ լինելու դեպքում նշենք, որ լիարժեք ներկայացումների պարագայում պրեմիերաները 5-ն էին՝ Փառատոնի համար ծրագրային Մոցարտ՝ «Դոն Ժուան», ոչ պակաս կարևոր Ռիխարդ Շտրաուս՝ «Վարդի ասպետը», Վերդիի «Տրուբադուրը, հազվադեպ կատարվող «Ֆյերրաբրասը» և ֆրանսիացի կոմպոզիտոր Մարկ Անդրե-Դելբավիի «Շարլոտա Սալոմոն» ժամանակակից օպերան:

Զալցբուրգյան փառատոնի 2017թ.- սենսացիան դարձավ «Տրուբադուրը, որը բեմադրել է հանրահայտ լատիշ բեմադրիչ Ալվիս Հերմանիսը:

Առաջին անգամ 20-րդ դարի օպերայից շրջվելով՝ նա անդրադարձել էր քրիստոմատեական խաղացանկի: Այստեղ հանդես էին գալիս Աննա Նետրեբկոն, Պլասիդո Դոմինգոն, կանադացի երգչուհի Մարիա Նիկոլ-լեմյոն, Ֆրանչեսկո Մելին: Այս ներկայացման մեջ բեմադրիչը դերասանական խաղը ուղղորդելու խնդիր չի էլ փորձել լուծել: Նա, պարզապես, օպերայի հերոսներին ներդրել է թանգարանային սրահի միջավայրում, որտեղ իրենց վրա ամրացված հայտնի գեղանկարներով երևացող պտտվող ու շարժվող հսկայական սալերը ստեղծում էին դինամիկ ֆոն:

Իսկ ընդհանրապես, զալցբուրգյան այս տարվա փառատոնը մասնագետների կարծիքով հաջողված և չհաջողված ներկայացումների թվով հավասարաչափ 2 մասի է բաժանվել: Ոմանց կարծիքով սա վատ արդյունք չէ, եթե հաշվի առնենք, որ Զալցբուրգն այն քաղաքն է, որտեղ բեմահարթակը այնպիսի բաղադրիչներից է, որը երաժշտականից բավականին ետ է մնում:

Ավելացնենք, որ Զալցբուրգի փառատոնի ակունքները սկսվում են 1920թ.-ից: Այս միջոցառման ծրագրում ընդգրկվում են բազմաթիվ օպերային բեմադրություններ և համերգներ, ինչը ապացուցվեց նաև 2017թ.-ին:
    Դիտվել է 49 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ