Քաղաքակրթական ներուժը կեցության բարձրագույն արժեք է:

ԱԲԲԱ-ն կվերադառնա որպես ավատար

09.12.2017

Շվեդական լեգենդար «ԱԲԲԱ» համույթը պլանավորում է կրկին միավորվել և հանդես գալ, որպես վիրտուալ խումբ: Այդ մասին «expressen.se»-ի տեղեկատվությունը փոխանցում է «taglur.am»-ը:

Այս նախաձռնությունը կիրականացվի թվային տեխնոլոգիաների միջոցով: Նախ կպատրաստվեն խմբի 4 անդամների թվային ավատարները, որոնք էլ համերգների ժամանակ կհայտնվեն բեմում հանդիսատեսի առաջ:

ԱԲԲԱ-ն լեգենդար համույթ է և թվում է արդեն անցել էր հիշողությունների դասական միջավայր: Դրա մասին էր խոսում նաև այն հանգամանքը, որ ելույթները դադարեցնելուց հետո խմբի անդամներին կրկին միավորվելու և միասին հանդես գալու առաջարկները միշտ մերժվում էին, թեև հաճախ առաջարկվող հոնորարների չափը արտահայտվում էր 1-ին հաջորդող ինը զրո ունեցող թվով:

Վերջերս համույթի անդամ Բեննի Անդերսոնը խոստովանել է, որ իրենք ժամանակ առ ժամանակ հանդիպում են և միասին ինչ-որ բաներ են անում, իսկ հիմա, արդեն, կրկին, ունեն ընդհանուր նախագիծ:

ԱԲԲԱ-ի թվային ավատարների համաշխարհային շրջագայությունը նախատեսվում է 2019թ.-ին: Իսկ հիմա, որպեսզի նախագիծը լինի ամուր և աշխատող, խմբի անդամների դեմքերի մանրակրկիտ թվայնացման աշխատանքներն են կատարվում:

Շվեդական ԱԲԲԱ քառյակը ստեղծվել է 1972թ.-ին: Մասնակիցների անունների առաջին տառերով անվանակոչված այս համույթի անդամները համատեղ ստեղծագործեցին 10 տարի, թողարկեցին 8 ձայնապնակ, որոնց ընդհանուր տպաքանակը գերազանցեց 350 մլնը: ԱԲԲԱ-ն դարձավ իր ժամանակի հանրահայտ խմբերից մեկը, որի անունը այսօր էլ հուզում է շատ երկրպագուների:

Տեսանյութեր

Դիտվել է 305 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189