Քաղաքակրթական ներուժը կեցության բարձրագույն արժեք է:

«ՏԷՖԻ-Համագործակցություն»-ում կներկայացվի ֆիլմ Էդմոնդ Քեոսյանի մասին

09.18.2017

Բելոռուսի մայրաքաղաք Մինսկում ընթանում է «ՏԷՖԻ-Համագործակցություն» վավերագրական ֆիլմերի փառատոնը, որին մասնակցում են հետխորհրդային տարածքի 12 երկրների հեղինակներ: Այդ մասին տեղեկացնում է «taglur.am»-ը՝ հղում անելով «1tv.ru»-ին:

Մրցութային ծրագրում ընդգրկված են պատմական, կենսագրական, սոցիալական,և փիլիսոփայական 20 ֆիլմեր, որոնք թարգմանվել են ռուսերեն լեզվով:

Հայ կինեմատոգրաֆիստները ներկայացրել են իրենց աշխատանքը կինոռեժիսոր Էդմոնդ Քեոսյանի մասին:

Լիտվացիները անդրադարձել են ԽՍՀՄ ժողովրդական արտիստ Դոնատաս Բանիոնիսի կյանքին ու ստեղծագործությանը:

Ուկրաինական «Ինտեր» հեռուստաալիքը ներկայացրել է Աֆոնի հոգևորականների մասին մեկ ժամանոց կինոժապավեն, զրուցել հոգևորականների հետ, որոնցից մեկը, պարզվում է, եղել է «Մորալնի կոդեքս» ռոք համույթի հարվածային գործիքներ նվագողը:

Բելոռուսը ներկայացրել են Մոգիլյով քաղաքի հեռուստատեսային լրագրողները: Նրանք անդրադառնում են Աստծոն և անշահախնդիր մոտիվացիային: Խոսքը այդ երկրի Սլավնոյե դատարկված գյուղի և այնտեղի եկեղեցու մասին է, որը խնամում և պահպանում է հարևան գյուղում բնակվող ծերունազարդ ամուսնական զույգը:

Հայտնի հեռուստամեկնաբան Վալդիս Պելշը փառատոն է բերել իր «Բևեռային եղբայրություն» ֆիլմը, որն անդրադառնում է բրիտանացի օդաչուների և Մուրմանսկը 1941թ.-ին ֆաշիստական զորքերից պաշտպանողների եղբայրության և փոխօգնության մասին: Այս պատմության ներկայացմանը մասնակցում են նաև մեր օրերում ապրող երկու բրիտանացի ականատես օդաչուներ:

Փառատոնի մասնակիցներն այն կարծիքին են, որ գլխավորն այն չէ, թե որ ժամանակի մասին է ֆիլմերում զրույցն ընթանում:Ըստ նրանց կարևորն այն է, որ յուրաքանչյուր էկրանային արտացոլքի մեջ հանդիսատեսը տեսնի իրեն: Ահա թե ինչու փառատոնի քննարկումները կազմակերպվում և ընթանում են «Վավերագրական կինո՝ ժամանակի հայելի» խորագրի ներքո:
    Դիտվել է 257 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238