Քաղաքակրթական ներուժը կեցության բարձրագույն արժեք է:

Մարդուն անկեղծ և ոգեշնչմամբ սիրել տալու հնարավորությունն՝ ըստ Կոնչալովսկու

09.19.2017

Կինոյի և թատրոնի ռուսաստանցի հայտնի ռեժիսոր Անդրեյ Կոնչալովսկին նկարահանումներին զուգահեռ հասցնում է նաև հեռակա դասախոսություն կարդալ Մոսկվայի թատերական արվեստի պետական ինստիտուտում՝ այս ուսումնական տարում իր հեղինակային արվեստանոցն ընդունված ուսանողներին: Այդ մասին հաղորդում է «taglur.am»-ը»՝ հղում անելով «teatral-online.ru»-ին:

Այս օրերին ռեժիսորն իտալացի կինեմատոգրաֆիստների հետ նկարահանում է «Տեսիլքի հրեշը» նոր էպիկական ֆիլմը՝ նվիրված իտալական վերածննդի հսկաներից մեկին՝ Մեքելանջելոյին: Իսկ սեպտեմբերի 16-ին, նա իր ուսանողների համար կարդացել է առաջին դասախոսությունը հեռակա կամ վիրտուալ ձևաչափով:

Նրա միջֆալուլտետային արվեստանոցում կրթություն են ստանում թատրոնի ապագա դերասանները և ռեժիսորները: Նրանց վիրտուալ կրթությունը կշարունակվի, քանի դեռ վարպետը չի ավարտել իր նոր ֆիլմի նկարահանումները:

«Մեր կուրսի խնդիրն է ներշնչել երիտասարդներին ինքնակատարելագործման համար չկորցնելի ոչ մի օր,- բացահայտել է իր մանկավարժական հավատամքը Կոնչալովսկին: - Ես կցանկանայի երեկվա դպրոցականներին ներշնչել իրականում հարստանալ գիտելիքներով: Մարդուն անկեղծ և ոգեշնչմամբ սիրել տալու հնարավորությունը այն է, ինչով նա զբաղվում է յուրաքանչյուր օր: Հենց սրանով էլ ես, որպես ռեժիսոր, զբաղվում եմ, արդեն, կես դար»,-նշել է Կոնչալովսկին:

Իր կուրսի ուսումնական գործընթացի մեջ Կոնչալովսկին ծրագրում է ներգրավել ռուսական և եվրոպական թատրոնների լավագույն մասնագետներին: Ուսումնական պլանի մեջ կլինեն իտալացի մանկավարժների դասախոսությունները՝ «Կոմեդիա դել արտ»-ի մասին, իսկ ճապոնացի մասնագետները կսովերեցնեն ճապոնական թատրոնի գեղագիտություն:

Բացի այդ, ուսանողական թատրոնը նոր սարքավորումներ կստանա, որը հնարավորություն կընձեռի բեմադրություններ պատրաստել ժամանակակից մակարդակով:
    Դիտվել է 17 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ