Քաղաքակրթական ներուժը կեցության բարձրագույն արժեք է:

Մեծ թատրոնի բալետի նոր պարուհին Մաթիլդայի ծոռնեծոռնուհին է

09.22.2017

Ռուսաստանում մեծ աղմուկ բարձրացրած «Մաթիլդա» ֆիլմի գլխավոր հերոսուհու Մաթիլդա Քշեսինսկայայի ծոռնեծոռնուհին, Սանկտ-Պետերբուրգի Վագանկովայի անվան ռուսական բալետի ակադեմիայի այս տարվա շրջանավարտ Էլեանորա Սևենարդը ընդունվել է Մեծ թատրոնի բալետի խումբ: Այդ մասին տեղեկացնում է «taglur.am»-ը՝ հղում անելով ՞ «РИА новости»-ին:

Էլեանորա Սևենարդը ծնվել է Սանկտ-Պետերբուրգում: Ակադեմիայում սովորելուն զուգահեռ նա ելույթներ է ունեցել Մարինյան թատրոնում, թատրոնի հետ հանդես է եկել հյուրախաղերով:

Քշեսինսկայայի ծոռնեծոռնուհին ուսանելու տարիներին հասցրել է դառնալ միջազգային և համառուսական մի շարք մրցույթների դափնեկիր:

Մաթիլդա Քշեսինսկայայի նկատմամբ հետաքրքրությունը Ռուսաստանում աներևակայելի աճել է պետերբուրգցի ռեժիսոր Ալեքսեյ Ուչիտելի «Մաթիլդա» ֆիլմի և նրա շուրջ առաջացած հասարակական մեծ աղմուկի արդյունքում:

Ուչիտելը բազմիցս հայտարարել է, որ ինքը զարմացած է իր ֆիլմի շուրջ առաջացած ռեզոնանսից:

Հիշեցնենք, որ «Մաթիլդա» ֆիլմում Ուչիտելը ներկայացնում է դեռ գահ չբարձած ապագա Նիկոլայ 2-րդի և պարուհի Մաթիլդա Քշեսինսկայայի (Մեծ թատրոնի բալետի խմբի նոր արտիստուհի Էլեանորա Սևենարդի նախատատի) սիրավեպը:




Այս թեմայով այլ հղումներ-1
    Դիտվել է 725 անգամ