Քաղաքակրթական ներուժը կեցության բարձրագույն արժեք է:

Վախճանվել է Playboy» հանդեսի հիմնադիր և հրատարակիչ Հյու Հեֆները

09.28.2017

Ամերիկյան լրատվամիջոցները, հղում անելով հայտնի հրատարակչության «Twitter»-ի էջին, տեղեկացնում են, որ 91 տարեկան հասակում իր առանձնատանը, մերձավորների շրջապատում կյանքից հեռացել է «Playboy» հանդեսի հիմնադիր և հրատարակիչ Հյու Հեֆները: Այդ մասին տեղեկացնում է «taglur.am»-ը:

«Իմ հայրը ապրել է բացառիկ և ազդեցիկ կյանքով, որպես զանգվածային լրատվության և մշակույթի վիրտուոզ, որպես մարդ, որը կանգնած է եղել ժամանակակից մի քանի նշանակալից սոցիալական և մշակութային շարժումների, խոսքի ազատության, քաղաքացիական իրավունքների և սեռական ազատությունների թիկունքում: Նա կանխորոշել է կյանքի կերպը և բնույթը, որը դրված է եղել պատմությանը հայտնի և կայուն հանդեսի՝ «Playboy»-ի բնույթի հիմքում»,- հայտարարել է Հյու Հեֆների որդին՝ Քուփերը, որը «Playboy Enterprises» ընկերության գործադիր տնօրենն է:

Հյու Հեֆները ծնվել է 1926թ.-ի ապրիլի 9-ին, Չիքագոյում: Բանակում ծառայելուց հետո որոշ ժամանակ աշխատել է «Esquire» հանդեսի գովազդի բաժնում, ապա՝ որոշել է ստեղծել սեփական հանդեսը:

«Playboy» հանդեսի առաջին համարը լույս է տեսել 1953թ.-ին, որի շապիկին պատկերված էր Մերիլին Մոնրոն:
Կյանքի վերջին շրջանը Հեֆներն անցկացրել է իր առանձնատանը՝ զվարճանալով երիտասարդ կանանց հետ: Նա չէր ամաչում և հայտարարում էր, որ աշխույժ կյանք վարելու իր կենսունակությունը պահպանում է օգտվեով վիագրայից:

Այդ առանձնատունը, որ կոչվում էր «Playboy Mansion», 2016թ.-ին նա վաճառեց 100 մլն դոլարով: Այս պահին նրա կարողությունը գնահատվում է 50 մլն դոլար:

Ավելի քան 50-ամյա հրատարակչական գործունեության ընթացքում «Playboy»-ը իր էջերում հրատարակել է նաև բազմաթիվ համաշխարհային մեծության գրողների՝ Ջոն Ափդայք, Յան Ֆլեմինգ, Գաբրիել Գարսիա Մարկես, Քուրթ Վոնենգութ և այլք:

Այսօր «Playboy»-ը հրատարակվում է մի քանմի լեզուներով և տարածվում է ամբողջ աշխարհում: 2015թ.-ին հանդեսը հայտարարեց, որ հրաժարվում է իր տպագիր տարբերակում հրապարակել մերկ բնօրդների լուսանկարներ: Այդ քայլին հրատարակչությունը դիմեց «PG-13» վարկանիշի և անչափահասների շրջանում հանդեսը վաճառելու իրավունք ստանալու համար:, Սակայն մեկ տարի անց տպագիր հրատարակությունը կրկին անցավ իր նախկին ձևաչափին:
    Դիտվել է 218 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ