Քաղաքակրթական ներուժը կեցության բարձրագույն արժեք է:

23 ամյա Մալուման կդառնա 2018թ.-ի Ֆուտբոլի աշխարհի առաջնության հիմնի հեղինակը

10.04.2017


2018թ.-ի Ֆուտբոլի աշխարհի առաջնության հիմնը գրելու է Լատինական Ամերիկայում մեծ մասսայականություն վայելող կոլումբացի երգիչ Մալուման: Այդ մասին «AS» օրաթերթի տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

23 ամյա երգիչն արդեն հանդիպել է «Sony Music» ընկերության ղեկավարությանը և երգի ստեղծման համար կհամագործակցի 24 այլ երաժիշտների հետ:

Ենթադրվում է, 2018թ.-ի Ֆուտբոլի աշխարհի առաջնության հիմնը Մալուման կձայնագրի պուերտոռիկացի երաժիշտ Բեդ Բաննիի հետ զուգերգով: Սպասվում է, որ երգը պատրաստ կլինի դեկտեմբեր ամսին:

Մալուման այս երգով կդառնա երկրորդ կոլումբացին, երգչուհի Շաքիրայից հետո, որը հիմն է ստեղծել աշխարհի ամենամասսայական խաղի հերթական եզրափակիչ մրցույթի համար :

Ասենք, որ «Youtube» հոսթինգում Մալումա-Շակիրա զույգի կատարմամբ «Chantaje» երգը հավաքել է ավելի քան 1,8 մլրդ այցելություն, իսկ Ռիքքի Մարթինի զուգընկերությամբ կատարված «Vente Pa՝ Ca» երգի այցելուների թիվը կազմել է 1,2մլրդ:

Կոլումբացի երգչի «Felices los 4» երգը, որը «Youtube-ում տեղադրվել է 2017թ.-ի ապրիլին, այցելուների թվով նույնպես հատել է միլարդի սահմանագիծը:

Մալուման հռչակ է վայելում լատինամերիկացի շատ ֆուտբոլիստների հետ ունեցած իր բարեկամական հարաբերությունների շնորհիվ: Հայտնի ֆուտբոլիստներից նրա արվեստի երկրպագուների թվում են Նեյմարը («ՊՍԺ»), Լուիս Սուարեսը և Լեոնել Մեսսին («Բարսելոնա»), Սերխիո Ագուերոն (Մանչեսթեր Սիթի»): Ի դեպ, վերջերս Ամստերդամում տեղի ունեցած ավտովթարի ժամանակ լուրջ վնասվածքներ ստացած Սերխիո Ագուերոն այդ դժբախտ պատահարին ենթարկվել է հենց Մալումայի համերգից տաքսով տուն վերադառնալու ճանապարհին:

Տեսանյութեր

Դիտվել է 639 անգամ