Քաղաքակրթական ներուժը կեցության բարձրագույն արժեք է:

Ըստ Սերեբրեննիկովի, ժամանակակից թատրոնը Ռուսաստանում վտանգավոր արվեստ է

10.11.2017


Մոսկվայում մեկնարկելիք ժամանակակից արվեստի «Տերիտորիա» փառատոն-դպրոցի բացման նախօրեին, այսօր՝ հոկտեմբերի 11-ին, կայացած մամլո ասուլիսում Ազգությունների թատրոնի գեղարվեստական ղեկավար, դերասան Եվգենի Միրոնովը կարդացել է այդ միջոցառման արթ-տնօրեն և «Գոգոլ –կենտրոնի» ղեկավար, այժմ պետական ֆինանսական միջոցները յուրացնելու մեղադրանքով տնային կալանքում գտնվող Կիրիլ Սերեբրեննիկովի ուղերձը: Այդ մասին տեղեկացնում է «taglur.am»-ը՝ հղում անելով «tvrain.ru»-ին:

Նամակը գրված է եղել դեռ օգոստոսին, մինչև կալանքը:

Սերեբրեննիկովը հանձնարարականներ է տալիս փառատոնի մասնակիցներին և հիշեցնում, որ ժամանակակից թատրոնը Ռուսաստանում վտանգավոր արվեստ է: «Այնպիսին, ինչպիսին այն դարձել է այսօր Ռուսաստանում, գործնականում չի եղել ոչ մի տեղ և երբեք»,- գրել է նա:

Գլխավորը, ըստ Սերեբրեննիկովի, ազնիվ և անկեղծ լինելն է՝ ինքդ քո առաջ: Նա նշում է, որ այդպիսին լենելն անհրաժեշտ է ցանկացած արվեստի տեսակի մեջ: «Այսօր ժամանակակից թատրոնը ոչ թե կարևորագույն, առաջադեմ, իսկ դա նշանակում է՝ հզոր, ազդեցիկ, իմաստ ձևավորող արվեստ է, այլև՝ վտանգավոր»,- գրում է նամակի հեղինակը:

Հիշեցնենք՝ Սերեբրեննիկովը, ինչպես նաև «Գոգոլ-կենտրոնի» կառուցվածքում գործող «7-րդ ստուդիայի նախկին տնօրեն Ալեքսեյ Մալոբրոդսկին, նախկին գլխավոր տնօրեն Յուրի Իտինը և նախկին գլխավոր հաշվապահ Նինա Մասլյաևան մեղադրվում են թատրոնին հատկացված պետական միջոցներից 68 մլն ռուբլի գողանալու մեջ:

Սեպտեմբերի վերջին օրերին Ռուսաստանի քննչական կոմիտեն այդ գործով սկսել է հարցաքննել «Գոգոլ-կենտրոնի» դերասաններին: Ըստ վարույթն իրականացնող մարմնի, ենթադրվում է, որ թատրոնի անձնակազմից քրեական գործով կանցնի 100 մարդ:




Այս թեմայով այլ հղումներ-1
    Դիտվել է 27 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ