«Գրքի գիշեր» Էրեբունի-Երևանի համար10.13.2017
2017թ.-ի հոկտեմբերի 14-ին նշվելիք Էրեբունի-Երևան տոնակատարության միջոցառումների ցանկում առաջին անգամ տեղ է գտնելու «Գրքի գիշեր» նոր նախագիծը, որը այդուհետ կդառնա ավանդույթ, կներառվի «Էրեբունի-Երևան» ամենամյա տոնակատարության միջոցառումների ցանկում և կանցկացվի փառատոնի ձևաչափով: Այդ մասին տեղեկացնում է ՀՀ մշակույթի նախարարության պաշտոնական կայքը:
Այս տարվա գրքատոնի ընթացքում, ըստ «Բուկինիստ» ընկերության տնօրեն Խաչիկ Վարդանյանի, կկազմակերպվի 19 միջոցառում, այդ թվում՝ հանդիպումներ գրողների հետ, տիկնիկային ներկայացում, գրքախաղեր, ֆոտոտաղավարներ, թեյախմություն, հեղինակային երգի համերգ, անակնկալներ և այլն:
Նշենք, որ տոնահանդեսի ժամանակ «Բուկինիստ» գրախանութի ամբողջ տեսականու համար կգործի 30 տոկոս զեղչ և վաճառքի այս պայմանը կշարունակվի նաև տոնական գիշերից հետո՝ համացանցի տիրույթում, երբ կսկսի գործել օն-լայն գրախանութը:
Դեպի գիրքը վերադարձի այս յուրօրինակ տոնը կանցկացվի Երևանի «Բուկինիստ» գրախանութին հարակից Միսաք Մանուշյանի անվան պուրակում:
Գնահատելով այս նախաձեռնությունը, ՀՀ մշակույթի նախարար Արմեն Ամիրյանը նշել է, որ «գիրքն է այն ուղիղ, կարճ և շիտակ ճանապարհը, որով երեխաներին առաջնորդելու ենք դեպի մեր հայրենիքի ցանկալի տեսլականը» : Նա նաև հույս է հայտնել, որ «Գրքի գիշերը» ձևական բնույթ չի կրի և կունենա իր լուրջ ազդեցությունը՝ ընթերցողների աճի, գրավաճառ ցանցի կայացման, գրականության տարածման ու հանրահռչակման գործում:
Ավելացնենք, որ գրքատոնը նախաձեռնել է «Բուկինիստ» գրախանութը՝ ՀՀ մշակույթի նախարարության և Երևանի քաղաքապետարանի աջակցությամբ:
2017թ.-ի հոկտեմբերի 14-ին նշվելիք Էրեբունի-Երևան տոնակատարության միջոցառումների ցանկում առաջին անգամ տեղ է գտնելու «Գրքի գիշեր» նոր նախագիծը, որը այդուհետ կդառնա ավանդույթ, կներառվի «Էրեբունի-Երևան» ամենամյա տոնակատարության միջոցառումների ցանկում և կանցկացվի փառատոնի ձևաչափով: Այդ մասին տեղեկացնում է ՀՀ մշակույթի նախարարության պաշտոնական կայքը:
Այս տարվա գրքատոնի ընթացքում, ըստ «Բուկինիստ» ընկերության տնօրեն Խաչիկ Վարդանյանի, կկազմակերպվի 19 միջոցառում, այդ թվում՝ հանդիպումներ գրողների հետ, տիկնիկային ներկայացում, գրքախաղեր, ֆոտոտաղավարներ, թեյախմություն, հեղինակային երգի համերգ, անակնկալներ և այլն:
Նշենք, որ տոնահանդեսի ժամանակ «Բուկինիստ» գրախանութի ամբողջ տեսականու համար կգործի 30 տոկոս զեղչ և վաճառքի այս պայմանը կշարունակվի նաև տոնական գիշերից հետո՝ համացանցի տիրույթում, երբ կսկսի գործել օն-լայն գրախանութը:
Դեպի գիրքը վերադարձի այս յուրօրինակ տոնը կանցկացվի Երևանի «Բուկինիստ» գրախանութին հարակից Միսաք Մանուշյանի անվան պուրակում:
Գնահատելով այս նախաձեռնությունը, ՀՀ մշակույթի նախարար Արմեն Ամիրյանը նշել է, որ «գիրքն է այն ուղիղ, կարճ և շիտակ ճանապարհը, որով երեխաներին առաջնորդելու ենք դեպի մեր հայրենիքի ցանկալի տեսլականը» : Նա նաև հույս է հայտնել, որ «Գրքի գիշերը» ձևական բնույթ չի կրի և կունենա իր լուրջ ազդեցությունը՝ ընթերցողների աճի, գրավաճառ ցանցի կայացման, գրականության տարածման ու հանրահռչակման գործում:
Ավելացնենք, որ գրքատոնը նախաձեռնել է «Բուկինիստ» գրախանութը՝ ՀՀ մշակույթի նախարարության և Երևանի քաղաքապետարանի աջակցությամբ:
.jpg)
