Քաղաքակրթական ներուժը կեցության բարձրագույն արժեք է:

Ցիսկարիձեն նշանակվել է ակադեմիայի ռեկտոր

10.29.2013

Մոսկվայի մեծ թատրոնի նախկին մենապարող Նիկոլայ Ցիսկարիձեն նշանակվել է Պետերբուրգի Վագանկովայի անվան Ռուսական բալետի ակադեմիայի ռեկտոր, այդ մասին հաղորդում է «РИА Новости»-ն` հղում անելով ՌԴ Մշակույթի փոխնախարար Գրիգորի Իվլիևին: Իվլիևը նաև հաղորդել է, որ ակադեմիայի գեղարվեստական ղեկավար է նշանակվել Մարինյան թատրոնի պրիմա-պարուհի Ուլյանա Լոպատկինան:

Վագանկովայի անվան Ռուսական բալետի ակադեմիան Ռուսաստանի բալետի հնագույն դպրոցներից մեկն է և այս տարի նշում է իր 275-ամյակը: Այն վերջին շրջանում քննադատության էր արժանացել Մարինյան թատրոնի գեղարվեստական ղեկավար Վալերի Գերգիևի կողմից:

Մասնավորապես «Известия» թերթը հաղորդել էր երկրի նախագահի վարչակազմում կայացած մի նիստի մասին, որտեղ Գերգիևը իր դժգոհությունն էր հայտնել ակադեմիայի շրջանավարտների պատրաստվածության որակի մասին:

Միաժամանակ նա մշակել էր ՌԴ նախագահին առընթեր ակադեմիական թատրոնի և պարարվեստի ազգային կենտրոն ստեղծելու նախագիծ, որի մեջ Մարինյան թատրոնի հետ միասին պիտի ընդգրկվեր նաև Ռուսական բալետի ակադեմիան, Սանկտ Պետերբուրգի կոնսերվատորիան և Ռուսաստանի մշակույթի պատմության ինստիտուտը: Սակայն նման միացմանը դեմ էին ռուսաստանցի շատ մշակութային գործիչներ:

Նիկոլայ Ցիսկարիձեն իր նշանակման մասին խոսելիս նշել էր նաև Ռուսական բալետի ակադեմիայի անկախությունը պահպանելու մասին, որը առաջարկվող պաշտոնը ստանձնելու նրա հիմնական պայմաններից մեկն էր եղել: Նա նաև նշել է, որ ակադեմիայի հետ իրեն շատ թանկագին արժեքներ են կապում և որ այստեղ սովորել են նաև իր ուսուցիչները: Նա հույս է հայտնել, որ նախկին տնօրեն Վերա Դորոֆեևան շատ հարցերում իրեն կօժանդակի և կօգնի:

    Դիտվել է 464 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ