Քաղաքակրթական ներուժը կեցության բարձրագույն արժեք է:

Իմաստը՝ ռիթմավորված խոսքով ստորացնել ընդդիմախոսին

10.17.2017

Ռուսաստանում մշակույթի ոլորտի որոշ հայտնի ներկայացուցիչներ փորձում են որոշակիացնել մարդկային հոգևոր և մտավոր գործունեության ոլորտում բեմարվեստի մի այնպիսի դրսևորման տեղը, ինչպիսին ռեփ-բաթթլն (ռեփ-մենամարտ) է, որը այդ երկրի իրականության մեջ ըստ ամենայնի սկսել է ընկալվել մի նոր հայացքով: Բեկումը վրա հասավ այն բանից հետո, հանրությունը սկզբում լսեց, ապա և համացանցի youtube հոսթինգում դիտեց հոկտեմբերի 15-ի լույս 16-ի առավոտյան ԱՄՆ-ի Լոս-Անջելոս քաղաքում կայացած Ռուսաստանցի ռեփեր Oxxxymiron-ի (Միրոն Ֆեդորովը) և ամերիկյան հայտնի ռեփեր Dizaster-ի (Բաշիր Յահամ) միջև կայացած մենամարտի տեսագրությունը:

Օրինակ այսօր, հոկտեմբերի 17-ին Սոչի քաղաքում ընթացող Երիտասարդության և ուսանողության 19-րդ միջազգային փառատոնի մասնակիցների մոտ հյուրընկալվող դերասան, Մոսկվայի նահանգային թատրոնի գեղարվեստական ղեկավար Սերգեյ Բեզռուկովը դեռ չի կողմնորոշվել, թե ինչ ժանրի մեջ պետք է դիտարկի խոսքարվեստի ու երաժշտության յուրահատուկ համադրման այդ դրսևորումը:

«Չգիտեմ, թե որքանով կարելի է ռեփ-բաթթլը անվանել արվեստ: Դժվար է սահման գծել, թե որե՞ղ է արվեստը և որտե՞ղ նմանակումը (իմիտացիան): Ես այդ պատասխանատվությունը չեմ ստանձնում: Ո՞վ պետք է գծի այդ սահմանը: Շատ դժվար է որոշել, թե որտե՞ղ է իրականը և որտե՞ղ է կեղծը»:,- ասել է Բեզռուկովը և իր տեսակետը ընդհանրացրել շատ յուրահատուկ, բայց հայտնի ասույթով. «Եվ հետո,- նշել է նա,- հանճարեղությունը, դա նորմայից շեղումն է»:

Հիշեցնենք, որ ԱՄՆ-ում մեծ տարածում ստացած ռեփ-բաթթլները ներկայացնում են երկու ռեփերների, որոնց նպատակն է ռիթմավորված խոսքով որոշակի մտքեր բարձրաձայնելով նվաստացնել, ստորացնել ընդդիմախոսին:

Բեզռուկովը նկատել է, որ արվեստագետի ստեղծագործությունը հաճախ ընդունվում է տարիներ, տասնամյակներ և դարեր հետո:

«Երևի ժամանակը թելադրում է հաղորդակցման այդպիսի ձև: Դա կարող է լինել: Թեև ես չեմ համաձայնվի դրա հետ: Մեր թատրոնում դահլիճները լեփ-լեցուն են»,- ասել է Բեզռուկովը:



Այս թեմայով այլ հղումներ-1
    Դիտվել է 206 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ