Քաղաքակրթական ներուժը կեցության բարձրագույն արժեք է:

Սկզբում գնիր տոմս, հետո՝ նոր ներկայացման ակնկալիքներ փայփայիր

10.26.2017

«Ընդհանրապես, կառավարությունը մոռանում է այն մասին, որ արվեստը, մասնավորապես՝ թատրոնը, ըստ էության ամենուրեք տնտեսապես վնասաբեր է: Եվ երբ դուք լսում եք այն մասին, որ մեր առավել հաջողակ ինչ-որ թատրոններ աշխատում են խելահեղ փողեր, ապա այդ ամենը, սոսկ, հանգամանքների հաջող դասավորություն է: Թատրոնը, որը գործում է հանդիսատես ունենալու հաշվարկով և ոչ մի տեղ չի մեկնում հյուրախաղերի, ինքը այդ խնդիրը լուծել չի կարող»,- «Teatral» հանդեսին տված հարցազրույցում ասել է Մոսկվայի Նոր դրամատիկական թատրոնի գեղարվեստական ղեկավար Վյաչեսլավ Դոլգոչյով:

Նրա ղեկավարությամբ գործող թատրոնը գտնվում է Ռուսաստանի մայրաքաղաքի կենտրոնը պարագծող Սադովոյե կալցոյից դուրս: Այն իր գործունեության առանձնահատկություններով և, նույնիսկ, ճակատագրով ավելի շատ համեմատելի է գավառում գործող թատրոնների հետ և, ըստ էության քիչ ընդհանություններ ունի մայրաքաղաքի նշանավոր օղակաձև փողոցի ներսում իրենց տեղն ունեցողների համեմատությամբ:

Նոր դրամատիկական թատրոնի գեղարվեստական ղեկավարը բողոքում է, որ դրսում հանդես գալու հնարավորություն ունենալը բավականին բարդ է: Որպեսզի ֆինանսավորում ստանան նախ պետք է կարողանան ընդգրկվել հյուրախաղերի պետական ծրագրի մեջ: Իսկ սեփական ուժերով թատերախմբին քաղաքից դուրս տանելը իրատեսական չէ:

Դոլգոչյովը նշում է, որ նախկինում այդ խնդիրն այլ կերպ էր լուծվում, քանի որ հյուրախաղերը ֆինանսավորում էր պետությունը, իսկ այսօր դա արտոնված է միայն ընտրյալ թատրոններին: Մյուս թատրոնները պարզապես արտագնա ելույթների մեկնելու և դրամ աշխատելու հնարավորություն չունեն:

Թատրոնի ղեկավարը այս անելանելի վիճակից դուրս գալու համար ելքը տեսնում է շատ յուրահատուկ լուծման մեջ:

Նրանք որոշել են այսուհետ յուրաքանչյուր նոր ներկայացում պատրաստել հանդիսատեսների ֆինանսավորմամբ: Տեխնալոգիան շատ պարզ է: Սկզբում հայտարարվում է պատրաստվող նոր ներկայացման մասին և դրա համար կազմակերպվում է տոմսերի վաճառք: Երբ անհրաժեշտ քանակով տոմսերը վաճառվում են և բեմադրության համար ձևավորվում է անհրաժեշտ ֆինանսական հիմք, սկսում են ներկայացումը պատրաստելու ուղղությամբ աշխատանքները: Այդ եղանակով մինչև տարեվերջ նրանք հույս ունեն, օրինակ, բեմադրելու մանկական «Մորոզկո» նոր մյուզիքլը:
    Դիտվել է 17 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255>>հաջորդ