Քաղաքակրթական ներուժը կեցության բարձրագույն արժեք է:

Պետք է դատի տալ ողջ տղամարդկային ցեղին

11.09.2017

Ռուսաստանցի ռեժիսոր Անդրեյ Կոնչալովսկին կասկած է հայտնել, որ ԱՄՆ-ի նախագահ Դոնալդ Թրամփը կապ ունի հոլլիվուդյան պրոդյուսեր Հարվի Վայնշթեյնի շուրջ ծագած աղմուկի հետ, որը մեղադրվում է բազմաթիվ սեռական հետապնդումների մեջ: Այդ մասին «Իզվեստիա» պարբերականի տարածած տեղեկատվությունը փոխանցում է «taglur.am»-ը:

«Հիլլարի Քլինթոնը բարեկամական կապեր ուներ երկու Վայնշթեյն եղբայրների հետ: Ես կարծում եմ, որ Թրամփը որոշել է նրա վրա նետել ևս մեկ ստորություն: Չէ՞ որ Հարվի Վայնշթեյնը ֆինանսավորել է Հիլարի Քլինթոնի նախընտրական քարոզարշավը»,- ասել է Կոնչալովսկին:

Ռեժիսորի կարծիքով, Ռուսաստանում այդպիսի աղմուկ բարձրացնելու հավանականությունը շատ փոքր է: «Գուցե Սադովոյե կոլցոյի սահմաններում նույնպես սկսվում է այդպիսի հիմարություն: Հասկանում եք, տղամարդը՝ տղամարդ է, կինը՝ կին: Փառք աստծո, մենք ապրում ենք մի երկրում, որտեղ քաղաքական կոռեկտությունը չի հասել աբսուրդի»,- ասել է Կոնչալովսկին:

Նա ընդգծել է այն միտքը, որ տղամարդիկ պետք է հետապնդեն կանանց, իսկ կանայք պետք է դիմադրեն: Կոնչալովսկին հիշատակում է մեծ գրող Լև Տոլստոյի հետևյալ միտքը.«Օրիորդները սիրում են, երբ իրենց կսմթում են»:

Ըստ ռեժիսորի դա նշանակում է, որ պետք է դատի տալ ողջ տղամարդկային ցեղին: Այս ամենը, նրա կարծիքով նորմալ պատմություն է և զանգվածային մանիպուլիացիա:

«Ինչ վերաբերում է սեռական հետապնդումներին ընդհանրապես, ապա ես կարծում եմ, որ աշխարհը միշտ կանգնած է եղել դրա վրա: Եթե սկսվել է ոչ այն, ինչ սկսվել է, ապա պետք է դատել Քլինթոնին»,- ասել է ռեժիսորը:



Այս թեմայով այլ հղումներ-1
Այս թեմայով այլ հղումներ-2
    Դիտվել է 324 անգամ