Քաղաքակրթական ներուժը կեցության բարձրագույն արժեք է:

Նա դուրս է եկել մեքենայից և երգել փողոցային երաժշտի նվագակցությամբ

11.15.2017


Լոնդոնի Վիկտորիայի և Ալբերտի թանգարանում բրիտանացի հայտնի լուսանկարիչ Ալիսթր Մորիսոնը ներկայացրել է լուսանկարների ինստալացիա, որը կրում է ««Սերունդ» եռապատում՝ Ապոլլոն փնտրելիս» խորագիրը: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

Այս նախագիծը կյանքի կոչելուն մասնակցել են 75 հայտնի ռոք երաժիշտներ:

Որպեսզի այս միջոցառման նկատմամբ հետաքրքրություն առաջանա, 72-ամյա երաժիշտ Ռոդ Սթյուարթը իմպրովիզացված համերգ է տվել Փիքադելլի հրապարակում: Նա դուրս է եկել մեքենայից և սկսել է երգել փողոցային երաժշտի նվագակցությամբ:

«Եռապատման» համար Մորիսոնի առջև բնորդներ են դարձել Փոլ Մք՝Քարթնին, Ռինգո Սթարը, Իգգի Փոփը, Էլիս Քուփերը, Էլթոն Ջոնը, Էրիք Քլեփթոնը, Ռոդ Սթյուարթը, Օզզի Օսբորնը և այլ լեգենդար երաժիշտներ:

Մասնակիցները այս նախագիծը համարում են այնպիսին, որից հրաժարվել հնարավոր չէր: Ամբողջ եկամուտը, որ կգոյանա ցուցահանդեսի արդյունքում, կնվիրաբերվի օնկոլոգիական հիվանդությամբ տառապող երեխաների բուժմանը:

Ցուցահանդեսից հետո նախատեսվում է ինստլացիան վաճառել աճուրդով և դրանից ստանալ մոտ մեկ մլն դոլար, որը նույնպես կծախսվի բարեգործական նպատակներով:
    Դիտվել է 628 անգամ