Քաղաքակրթական ներուժը կեցության բարձրագույն արժեք է:

Խուլերի և կույրերի անունից կատարում էին օժանդակող ռեֆերենտի ֆունկցիաներ

11.18.2017

Այսօր Սանկտ Պետերբուրգում ընթացող Միջագային մշակութային 6-րդ ֆորումի ծրագրով նախատեսված է «Ձեռնմխելիներ» («In touch») ներկայացման միջազգային տարբերակի ռուսաստանյան պրեմիերան: Այդ մասին «pitert.ru»-ի տեղեկատվությունը փոխանցում է «taglur.am»-ը:

Ի տարբերություն ներկայացման առաջին տարբերակի, որը Մոսկվայի Ազգությունների թատրոնում տեղի ունեցած պրեմիերայից սկսած, արժանացել է բազմաթիվ թատերական մրցանակների, ֆորումին ներկայացվող միջազգային տարբերակում կույր և խուլ դերասանների հետ հավասար բեմ դուրս կգան նաև ռուսաստանցի, մեծբրիտանացի և ֆրանսիացի հայտնի դերասաններ:

Ներկայացման այս տարբերակի վրա աշխատելու համար հրավիրվել է բրիտանական «Graeae» ներառական թատերական ընկերության գեղարվեստական ղեկավար Ջեննի Սիլեյը: Նրա բեմադրության հիմքում ընկած են տարբեր երկրների կույր , խուլ և տեսնող, լսող մարդկանց վավերագրական պատմություններ, որոնք ներկայացվում են խոսակցական, ժեստերի, ապա և դրամատիկական թատրոնի լեզվով:

Ներկայացումն ուսումնասիրում է այս մարդկանց աշխարհներն այնպիսի պահի, երբ նրանք ընդհարվում են և միավորվում:

«Ներկայացման միջազգային տարբերակում պահպանվում է հավասար իրավունքի սկզբունքը: Կույր, խուլ հերոսները հիմա իրենց պատմությունները պատմում են ինքնուրույն: Եթե նախկինում պրոֆեսիոնալ դերասանները կույրերի, խուլերի անունից կատարում էին լոկ օժանդակող ռեֆերենտի ֆունկցիաներ և պարզապես նրանց փոխարեն խոսքով ներկայացնում էին նրանց իսկ պատմությունները, ապա այժմ նրանք հերոսների հետ երկխոսության մեջ են մտնում՝ պատմելով նաև իրենց պատմությունները:»,- ասել է ներկայացման դրամատուրգ Մարինա Կրապիվինան և նշել, որ մի խոսքով, սա կլինի լիարժեք հաղորդակցություն երկու աշխարհների միջև:

Հիշեցնենք, որ Սանկտ Պետերբուրգում ընթացող Միջագային մշակութային 6-րդ ֆորումը մեկնարկել է2017թ.-ի 16-ին, իսկ այսօր՝ ամսի 18-ին, այն կեզրափակվի: Այն կազմակերպում են Ռուսաստանի դաշնության կառավարությունը և Սանկտ-Պետերբուրգի իշխանությունները: Ֆորումն ընթանում է «Մշակույթ, գիտություն և սպորտ» հիմնադրամի աջակցությամբ:

Միջոցառման թատերական կյանքին վերաբերող հատվածում նոյեմբերի 16-18-ի ընդհանուր առմամբ նախատեսվել էր հարուստ ծրագիր: Հանդիսատեսներին մատուցվեցին 8 թատերական պրեմիերաներ, ցուցադրվեցին նաև հատուկ ֆորումի մասնակիցների համար նախատեսված այլ ներկայացումներ:

Այսօր՝ նոյեմբերի 18-ին, թատերական շրջանակներում և այլուր աղմուկ բարձրացրած Սանկտ Պետերբուրգում ընթացող Միջագային մշակութային 6-րդ ֆորումը, որին, ընդհանուր առմամբ մասնակցել է 30 հազար մարդ, կավարտի իր աշխատանքները:




Այս թեմայով այլ հղումներ-1

    Դիտվել է 12 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ