Քաղաքակրթական ներուժը կեցության բարձրագույն արժեք է:

Պրոդյուսերը մեղադրվում է սեռական առևտրի մեջ

11.28.2017

Հոլլիվուդյան պրոդյուսեր Հարվի Վայնշթեյնի շուրջ սեռական սանձարձակությունների և դերասանուհիներին հետապնդումների ենթարկելու մասին աղմուկը թանձրանում է նորանոր երանգներով: Այս անգամ «news.sky.com»-ը տեղեկացնում է, որ Վայնշթեյնը և նրա «The Weinstein Company» ընկերությունը մեղադրվում են սեռական առևտրի մեջ:

Այդպիսի մեղադրանքով պրոդյուսերի դեմ դատական հայց է ներկայկացրել բրիտանացի դերասանուհի Քադիան Նոբլը: Նա պնդում է, որ Վայնշթեյնն իր նկատմամբ սեռական բռնություն է գործադրել 2014թ.-ին՝ Ֆրանսիայում, իսկ պրոդյուսերի եղբայրը՝ Ռոբերթը և նրանց ընտանեկան խումբը ամեն ինչ արել են, որ այդ դեպքը չդառնա հանրային քննարկման նյութ:
Մասնավորապես Նոբլին խոստացվել է դեր ֆիլմերից մեկում:

ԱՄՆ-ի օրենսդրությամբ սեռական առևտրի մեղադրանքի վաղեմության ժամկետը լրանում է 10 տարի դեպքից հետո:

Ասենք, որ այս աղմուկից հետո Վայնշթեյնը կամավոր դուրս է եկել Ամերիկայի ռեժիսորների գիլդիայից՝ չսպասելով այնտեղից իր պաշտոնական վտարմանը:

Ավելի վաղ նա արդեն հրաժեշտ էր տվել Ամերիկայի կինոակադեմիային, պրոդյուսերների գիլդիային, « BAFTA»-ին (Բրիտանական կինոակադեմիային):

Այս պահին նրա դեմ հարուցված գործով վարույթ են սկսել ամերիկյան և բրիտանական իրավապահ մարմինները:



Այս թեմայով այլ հղումներ-1
    Դիտվել է 375 անգամ