Քաղաքակրթական ներուժը կեցության բարձրագույն արժեք է:

Արժանացել է պատվավոր մրցանակի, բայց կստանա, «երբ դա հնարավոր կլինի»

12.18.2017


Կիրակի, դեկտեմբերի 17-ին, Հռոմում 16-րդ անգամ կայացավ «Եվրոպան՝ թատրոնին» մրցանակաբաշխությունը: Հանդիսավոր արարողության ժամանակ հայտարարվեց, որ «Նոր թատերական իրողություն» անվանակարգում մրցանակը շնորհվում է Մոսկվայի «Գոգոլ կենտրոն» թատրոնի գեղարվեստական ղեկավար Կիրիլ Սերեբրեննիկովին, որը դատարանի որոշմամբ գտնվում է տնային կալանքում:

«Իհարկե մեզ համար շատ ցավալի է, որ... ռուսաստանցի դափնեկիրը բացակայում է»,- հայտարարել է մրցանակաբաշխության գլխավոր քարտուղար Ալեսսանդրո Մարթինեզը:

Ըստ մրցանակաբաշխության կանոնների, դափնեկիրներին եվրոպական թատերական մրցանակը պետք է հանձնվի անձամբ:
«Մեր 30-ամյա պատմության ընթացքում միայն մի քանի անգամ է եղել, որ մրցանակը անձամբ դափնեկիրը չի ստացել: Սովորաբար մենք այդպես չենք անում: Ահա և Սերեբրեննիկովը իր արժանի պարգևը կստանա, երբ դա հնարավոր կլինի: Հուսով եմ, որ դա տեղի կունենա եկող տարի»,- ասել է Մարթինեզը:

Այս տարի եվրոպական թատերական մրցանակների են արժանացել նաև անգլիացի դերասան Ջերեմ Այրոնսը, ֆրանսիացի դերասանուհի Իզաբել Յուփերը:

Եվրոպական թատերական հեղինակավոր մրցանակին տարբեր տարիների արժանացել են արդի թատրոնի այնպիսի ներկայացուցիչներ, ինչպիսիք են Փիթեր Բրուքը, Հարոլդ Փինթերը, Յուրի Լյուբիմովը, Ռոբերթ Ուիլսոնը և ուրիշներ:




Այս թեմայով այլ հղումներ-1
    Դիտվել է 16 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264>>հաջորդ