Քաղաքակրթական ներուժը կեցության բարձրագույն արժեք է:

Եթե ճիշտ կառուցվածք ունենար երկրի ֆինանսական գերատեսչության աշխատանքը....

12.21.2017

Ռուսաստանցի հայտնի կինոռեժիսոր Ալեքսանդր Սոկուրովը հույս է հայտնել, որ Մեծ թատրոնում մեծ հաջողությամբ բեմադրված «Նուրեև» բալետը դրական կանդրադառնա բեմադրության հեղինակ Կիրիլ Սերեբրեննիկովի ճակատագրի վրա: Այդ մասին «РИА новости»-ի տեղեկատվությունը փոխանցում է «taglur.am»-ը:

Սակուրովն այն կարծիքին է, որ Սերեբրեննիկովի հետ հիմնախնդիրներ չէին լինի, եթե ճիշտ կառուցվածք ունենար երկրի ֆինանսական գերատեսչության աշխատանքը: Նրա խոսքերով, մասնավորապես, բացասական դեր է վերապահված պետական գնումների օրենքին, որին գերի են դարձել ստեղծագործող մարդիկ:

«Պարզապես առողջ գլխից տեղափոխվում է հիվանդ գլուխ: Մենք ստիպված ենք ապրել այնպիսի պայմաններում, երբ պետք է գտնել որևէ ելք՝ պետական միջոցներով աշխատելիս: Մենք անընդհատ ինչ-որ ելք ենք փնտրում և անընդհատ բախվում ենք այն բանին, որ չեն մշակվել լուրջ ֆինանսական փաստաթղթեր»,- նշել է Սակուրովը:

Հիշեցնենք, Ռուսաստանում և Արևմուտքում պահանջարկված ռեժիսոր, Մոսկվայի «Գոգոլ կենտրոնի» գեղարվեստական ղեկավար Կիրիլ Սերեբրեննիկովը դատարանի որոշմամբ օգոստոս ամսից գտնվում է տնային կալանքում: Նա մեղադրվում է իր ղեկավարած կենտրոնում գործող «7-րդ ստուդիայի» անվան տակ խոշոր պետական միջոցներ յուրացնելու մեջ:

Ասենք, որ Ռուսաստանի Մեծ թատրոնը առանց բեմադրող ռեժիսորի, 2017թ.-ի դեկտեմբերի 9-ին հանրությանն առաջին անգամ ներկայացրեց «Նուրեև» բալետը, որը ունեցավ շռնդալից հաջողություն: Նույնիսկ Ռուսաստանի նախագահի մամլո քարտուղար Դմիտրի Պեսկովը պրեմիերայից հետո չթաքցրեց իր հիացմունքը այդ ներկայացման մասին և այն անվանեց մշակույթի պատմության մեջ մտնելու արժանի աշխատանք: Այդ օրը բեմադրության մասնակիցները իրենց օվացիաներով դիմավորող հանդիսատեսի առջև խոնարհումների դուրս եկավ կրծքին Կիրիլ Սերեբրեննիկովի դիմանկարով վերնահագուստներ հագած:




Այս թեմայով այլ հղումներ-1
    Դիտվել է 10 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264>>հաջորդ