Քաղաքակրթական ներուժը կեցության բարձրագույն արժեք է:

Մյուզիքլ նրա մասին, ում նկարը 10 դոլարանոց թղթադրամի վրա է

12.22.2017


Բրոդվեյի հայտնի մյուզիքլներից մեկը, որը մեծ հաջողությամբ ներկայացվել է նաև ԱՄՆ-ի մի շարք խոշոր մշակութային կենտրոններում, անցել է Ատլանտյան օվկիանոսը և Եվրոպայում առաջինը ներկայացվել Լոնդոնի «Վիկտորիա» թատրոնի հանդիսատեսներին: Այս երաժշտական ներկայացումը11 անգամ նվաճել է ամերիկյան թատերական «Թոնի» բարձրագույն մրցանակը, իսկ հեղինակին՝ Լին-Մանուել Միրանդեին, որպես լավագույն դրամատիկական գործ ստեղծողի, բերել է Պուլիտցերյան մրցանակ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Չնայած այդ բոլոր արժևորումներին, այնուամենայնիվ, շատ մասնագետների կարծիքով այս բեմադրության գլխավոր արժանիքը մնում է երաժշտությունը: «Սա գլուխգործոց է: Սա, ուղղակի, ֆենոմենալ երաժշտություն է, այնպիսին, որը դուր կգա երիտասարդներին և այնպիսին, որը անհրաժեշտ է թատրոնին»,- ասել է ներկայացման դերասաններից Բրայան Քրենսթոնը:

Սա վառ, ոչ սովորական, էֆֆեկտիվ և, նույնիսկ, ինչ-որ տեղ ագրեսիվ բեմադրություն է, որը հագեցած է «հիփ-հոփ»-ի, «ար-էն-բի» -ի մոտիվներով, բալադներով, ավանդական մյուզիքլների դասական վոկալով:

Ներկայացումը պատմում է այն մասին, թե ինչպես, անգամ, մեկ մանրադրամ գրպանում չունեցող էմիգրանտ Ալեքսանդր Համիլթոնը դառնում է Ջորջ Վաշինգթոնի աջ ձեռքը: Իսկ այսօր նրա նկարը 10 դոլարանոց թղթադրամի վրա է:
    Դիտվել է 17 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264>>հաջորդ