Քաղաքակրթական ներուժը կեցության բարձրագույն արժեք է:

2017թ.-ին իրենց իրական արժանիքներից ցած գնահատված ֆիլմերը 13-ն են

12.29.2017

2017թ.-ին իրենց իրական արժանիքներից շատ ավելի ցած են գնահատվել 13 ամերիկյան ֆիլմեր: Այդպիսի եզրակացության են եկել «variety.com»-ի փորձագետները՝ անցնող տարվա ընթացքում մեծ էկրան բարձրացրած ֆիլմերի նկատմամբ հանդիսատեսների ուշադրությանն արժանացած կինոնկարների ցանկը և վարձույթի շուկայի համապատասխան ցուցանիշները ուսումնասիրելուց հետո: Այդ մասին տեղեկացնում է «taglur.am»-ը:

Այդ ցանկում տեղ են գտել այնպիսի ֆիլմերը, ինչպիսիք են «Սրբազան եղնիկի սպանությունը», «Կորուսյալ «Զ» քաղաքը»., «Սեռերի ճակատամարտը», «Րոպեում 120 հարված», «Անհատական գնորդ» և այլ կինոնկարները:

«Այժմ կինոբիզնեսը դարձել է երկու հանդիսատեսների մասին պատմության: Կան թենթոն (կարճ ժամանակում շահույթ խոստացող) բլոքբասթերներ, ինչպիսիք են, օրինակ «Ատղային պատերազմներ: Վերջին Ջեդի» և «Զարմանալի կինը» ժապավենները, որոնք հանդիսատեսների ամբոխներ էին հավաքում մուլտիպլիկացիայի արագությամբ: Եվ կա այնպիսի կինո, ինչիսին է, օրինակ, ռեժիսոր Յորգոս Լենդիմոսի «Սրբազան եղնիկի սպանությունը»:

Այս ֆիլմի պրեմիերան կայացել է մայիսին՝ Կաննի փառատոնում: Այստեղ բոլոր մասնագիտական կարծիքները այն ենթատեքստով էին արտահայտվում, որ այն «Օսկար»-ի լիիրավ հավակնորդ է և գեղարվեստական արժանիքներով համեմատելի է Սթենլի Քուբրիքի գործերին:

Բայց տարվա ընթացքում վարձույթի շուկայում ֆիլմի ցուցադրած արդյունքները առավել քան համեստ դուրս եկան: Այն իրեն արժանի ուշադրությանը չարժանացավ:
    Դիտվել է 343 անգամ