Քաղաքակրթական ներուժը կեցության բարձրագույն արժեք է:

Ֆիլմի ցուցադրությունը միանշանակ չի ընկալվել Ռուսաստանում

01.11.2018

2018թ.-ի ամանորի առաջին օրը, բրիտանական «BBC One » հեռուստաընկերությունը սկսել է «ՄաքՄաֆիա» նոր հեռուստասերիալի ցաուցադրությունը, որը անդրադառնում է Լոնդոնում բնակություն հաստատած ռուսական օլիգարխի ընտանիքի պատմությանը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Այս ֆիլմի համար հիմք է ծառայել անգլիացի լրագրող Միշա Գլինի 2008թ.-ին հրատարակված «ՄաքՄաֆիա. Լուրջ կազմակերպված հանցավորություն» գիրքը, որը բրիտանական գրքի շուկայում անմիջապես վերածվել էր բեսթսելլերի: Վեպի էկրանավորման համար սցենարի վրա աշխատել է ծագումով իրանցի սցենարիստ և ռեժիսոր Հուսեյն Ամինին և նրա գործընկեր Ջեյմս Ուոթքինսը:

Անգլիա գաղթած ռուսաստանցի մաֆիոզ Դմիտրի Գոդմանի որդի Ալեքսը, որը կրթություն է ստացել բրիտանական մասնավոր դպրոցում, ցանկանում է զբաղվել սեփական ներդրումային հիմնադրամի բիզնեսով և հեռանալ հոր քրեական անցյալից: Սակայն ընտանեկան հիմնախնդիրներից և կապերից հնարավոր չէ թաքնվել: Երիտասարդ մարդը ակամա ստիպված է համագործակցել և ռուսաստանցի քրեական աշխարհի, և լատինամերիկյան թմրաբարոնների և բալկանյան մաքսանենգերի հետ:

Ասենք, որ ֆիլմի ցուցադրությունը միանշանակ չի ընկալվել Ռուսաստանում: Տեղի լրատվամիջոցները նշում են, որ այն ունի շատ խոցելի կողմեր և նույնիսկ առաջացրել է առանձին բրիտանացի հեռուստադիտողների դժգոհությունը:

Դրան հակառակ սերիալի մասին արդեն իրենց բարձր գնահատականներն են հնչեցրել բրիտանական այնպիսի հեղինակավոր պարբերականներ, ինչպիսիք են «The Guardian»-ը, «The Telegraph»-ը:

Ավելացնենք, որ ֆիլմում նկարահանվել են բրիտանացի և ռուսաստանցի բազմաթիվ կինոաստղեր: Ռուսական մամուլում այդ առթիվ նշվում է, որ սա այն հազվադեպ դեպքերից է, երբ կինոնկարում հանդես եկող ռուսաստանցի հերոսները խոսում են հստակ ռուսերեն լեզվով և առանց առոգանության:
    Դիտվել է 287 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160