Քաղաքակրթական ներուժը կեցության բարձրագույն արժեք է:

«Դեկամերոն», որտեղ խոսում են բջջային հեռախոսներով

01.17.2018


Մոսկվայի «Et Cetera» թատրոնը իր հանդիսատեսին առաջարկել է Վերածննդի խոշորագույն գրական հուշարձաններից մեկի՝ Ջովանի Բոկաչոյի «Դեկամերոն» ստեղծագործության սեփական ընթերցանությունը՝ էլեկտրոնային երաժշտության ուղեկցությամբ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Ներկայացման ռեժիսոր Ալեքսանդր Մորֆովը վստահեցնում է, որ այս գրական հուշարձանը իր համար միջոց է հանդիսացել սեփական կյանքի պատմությունը ներկայացնելու համար: Դա հիշողություն է հոր հետ ունեցած կոնֆլիկտի, 25 տարի առաջ իրեն պատահած սիրո, հույսերի կործանման և հավատի ձեռքբերման մասին: Ինչ անկեղծությամբ ռեժիսորը բացահայտում է սեփական ներաշխարհի գաղտնի անկյունները, նույնպիսի անկեղծ նվիրում էլ ակնկալում է այն դերասաններից, ում հետ իրականացրել է բեմադրությունը: Դրան հասնելու համար նա խնդրել է խմբի յուրաքանչյուր անդամին պատմել սեփական սիրո պատմությունը:

Մարմնի և հոգու խրախճանք՝ Վերածննդի ժամանակաշրջանում: Եվ հանկարծ ամեն ինչ քանդվում է ժամանակակից տեխնալոգիաների ներխուժմամբ: Այստեղ խոսում են բջջային հեռախոսներով, դիտում են ֆուտբոլ պլազմային մեծ էկրանին, լսում են հիփ-հոփ... Ռեժիսորը միտումնավոր ջնջում է բոլոր սահմանները: Սերը և մահը հավերժական և ժամանակից դուրս թեմաներ են: Բոկկաչչո, անշուշտ, ներկայացման մեջ կա և նրա զգայունակ պատմությունները արտապատկերվում են առատորեն:

«Իր ժամանակին Բոկկաչչոյի «Դեկամերոնը» համարվում էր վտանգավոր գիրք: Հեղինակին անիծել էին և երկար ժամանակ մեկուսացրել հասարակությունից: Այս ներկայացման հեղինակը աշխատել է հեռու մնալ գռեհիկությունից, սակայն, իր ասելով, պատրաստ է հանդիսադեսի կողմից դատապարտվելուն:

«Այն, որ մեզ պիտի հայհոյեն այն հանդիսատեսները, որոնք սովոր են Օստրովսկուն և Չեխովին, չեմ կասկածում: Նույնիսկ հնարավոր է նրանք հեռանան (ներկայացումից-խմբ.); Սակայն այս ներկայացումը նրանց համար չէ: Ես հուսով եմ, որ այն կգտնի իր հանդիսատեսին:»,- նշել է ռեժիսորը:
    Դիտվել է 118 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286>>հաջորդ