Քաղաքակրթական ներուժը կեցության բարձրագույն արժեք է:

Պետության կողմից թատրոնին ներկայացվելիք միակ պահանջը

01.24.2018

Պետությունը չպետք է խառնվի թատրոնի կյանքին ճիշտ այնքան, որքան չպետք է խառնվի եկեղեցու կյանքին: Այսպիսի կարծիք է հայտնել վերջերս «Լենսովետի» թատրոնի գեղարվեստական ղեկավար նշանակված հայտնի ռեժիսոր Յուրի Բուտուսովը: Այդ մասին տեղեկացնում է «taglur.am»-ը՝ հղում անելով «iz.ru»-ին:

Ըստ Բուտուսովի, յուրաքանչյուր ռեժիսոր նախ և առաջ գրաքննիչ է ինքն իր համար, իսկ թատրոնը «ինքնավար ձեռնարկություն է»: Նա կարծում է, որ պետության պարտականությունների մեջ է մտնում արվեստին օժանդակելը, սակայն ռեժիսորը կատարում է մեկ վերապահում. «Պետք է սպասարկել ոչ միայն նրանց, որոնք սիրում են զվարճությունները»:

Նա վսատհ է, որ երբ պետությունը ասում է. «Մենք ձեզ փող ենք տալիս, ուրեմն դուք պետք է մեզ հարմար դիրք ընդունեք», ապա դա շատ տարօրինակ և ոչ գեղեցիկ դիրքորոշում է:

«Մարդիկ բյուջեին հարկեր են վճարում, իսկ մենք ստանում ենք բյուջեի փողեր»,- նշում է Բուտուսովը և ավելացնում, որ «միակ չափանիշը, որի համաձայն պետությունը կարող է պահանջներ ներկայացնել թատրոնին, դա այն ժամանակ է, երբ ռեժիսորը կամ գեղարվեստական ղեկավարը չեն կարողանում կատարել պարտականությունները, երբ նրանց դահլիճները դատարկ են»:

Սակայն, ըստ նրա, եթե դահլիճները լցվում են, եթե թատրոնը կատարում է իր ֆինանսական պարտավորությունները, ապա ոչ մի «գաղափարական կամ այլ պահանջներ պետությունը իրավունք չունի նրան ներկայացնել»:

Նա նաև նշում է, որ «Լենսովետի» թատրոնում կան որոշ բեմադրություններ, որոնք քիչ հանդիսատեսներ են հավաքում: Ըստ նրա, այդ ներկայացումներն, այնուամենայնիվ, պետք է պահպանվեն խաղացանկում, որովհետև դրանց մեջ կա ինչ-որ մի կարևոր բան՝ օրինակ, դերասանական խաղ, թեմա կամ ռեժիսորական լեզու:

«Այդպիսի ներկայացումներն ընդարձակում են թատրոնի որոնումների դիապազոնը»,- համոզված է Բուտուսովը:




Այս թեմայով այլ հղումներ-1















Լուսանկարը՝ ըստ հղման աղբյուրի
    Դիտվել է 123 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286>>հաջորդ