Քաղաքակրթական ներուժը կեցության բարձրագույն արժեք է:

Բացի Կինեմատոգրաֆիստների միությունից, գոյություն ունի նաև՝ ԿինոՄիություն

01.31.2018


Նախօրեին, հունվարի 30-ին, ռուսաստանցի ռեժիսոր Վիտալի Մանսկին հրապարակել է այդ երկրի Կինեամատոգրաֆիստների միությանն այլընտրանք համարվող ԿինոՄիություն կազմակերպության բաց նամակը: Այդ մասին տեղեկացնում է «taglur.am»-ը՝ հըղում անելով «teatral-online.ru»-ին:

Նամակի հեղինակները հանդես են գալիս Ռուսաստանի մշակույթի նախարարության այն որոշման դեմ, որով ետ է կանչվել բրիտանացի ռեժիսոր Արմանդո Իաննուչչիի «Ստալինի մահը» կինոնկարին տրված վարձույթի վկայականը:

Իր Facebooke –յան էջում հրապարակելով այդ նամակը ռեժիսոր Մարինա Ռազբեժկինան բացատրում է, որ իր համար կարևոր այդ փաստաթղթի հրապարակումը հանդես է գալիս ընդդեմ գրաքննության, որը Ռուսաստանի սահմանադրության համաձայն գոյություն չունի, «իսկ իրականում կա»: Նա նաև նշել է, որ «ով իրենց հետ միևնույն տանկի մեջ չէ, պարզաբանում եմ. Ռուսաստանում, բացի միխալկովյան Կինեմատոգրաֆիստների միությունից, գոյություն ունի նաև ԿինոՄիություն »:

Իսկ բաց նամակի հեղինակը նշում է, որ Իաննուչչիի ֆիլմի ցուցադրության իրական պատճառն այն է, որ «Ստալինի մահը» կինոնկարում ծաղրալի ձևերով պատկերված են դեմքեր, որոնք 1953թ.-ին ԽՍՀՄ-ում զբաղեցնում էին բարձր պաշտոններ: Ըստ նամակի հեղինակի, դա գրաքննության ակտ է, որին մշակույթի նախարարության ղեկավարները դիմում են ամեն անգամ, «երբ չեն գտնում իրավական հիմքեր իրենց ոչ հարմար ֆիլմերի թողարկումը կանխելու համար»:

ԿինոՄիությունը կտրուկ բողոքում է վարձութային վկայականները որպես գրաքննության գործիք օգտագործելու նախարարության գործառույթի դեմ և պնդում է, որ վարձույթի վկայականներ շնորհելու այսօրվա կարգը վերանայվի:




Այս թեմայով այլ հղումներ-1



Լուսանկարն՝ ըստ հղման աղբյուրի
    Դիտվել է 331 անգամ
    12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879808182838485868788