Քաղաքակրթական ներուժը կեցության բարձրագույն արժեք է:

Թեև շատ բան անհասկանալի է, բայց և այնպես հետաքրքիր է

02.01.2018

Ճապոնական թատերական մշակույթը մի մեծ շերտ է Չեխովի անվան միջազգային թատերական փառատոնում: Այդ մասին ռուսական «Ռոսսիա «Կ» » հեռուստատեսությանը տված հարցազրույցում նշել է հայտնի թատերական միջոցառման տնօրեն Վալերի Շադրինը:

Փառատոնի տնօրենի ասելով վերջին 20 տարիների ընթացքում իրենց հաջողվել է հանդիսատեսին ներկայացնել ծագող արևի երկրի թատերական մշակույթի ամենատարբեր ուղղությունները: Եվ «Նո» թատրոնը, որին նախորդել էր «Ռաքքուն», նաև «Բուն ռաքուն»: Բայց առանձին տեղ է հատկացված «Քաբուքի» թատրոնին, որն, ընդհանրապես հատուկ դիրք ունի Ճապոնիայում, թեև հիմնականում զարգացել է երկու քաղաքներում՝ Տոկիոյում և Կիոտոյում:

Տարբեր երկրների թատերական մշակույթները գտնվում են միմյանց փոխհարստացման գործընթացի մեջ: Նրանք միշտ միմյաց օգնում են ազգային հիմքի վրա: Ըստ Շադրինի, ճապոնական մշակույթը ռուսաստանցի ժողովուրդին շատ է հետաքրքրում:

Այս օրերին Ռուսաստանում հյուրախաղերով հանդես է գալիս ճապոնական թատերական արվեստի այդ տեսակի մեջ թիվ 1-ը համարվող «Սյոձիքո գրանտ քաբուքի թիքումա սիձուա» խումբը: Նրանց ներկայացումները կկարողանան դիտել Մոսկվայի «Մոսսովետի» անվան և Սանկտ-Պետերբուրգի Մեծ դրամատիկական թատրոնի հանդիսատեսները: Ի դեպ, պետերբուրգյան թատրոնի գեղարվեստական ղեկավար Անդրեյ Մոգուչիի ասելով ճապոնական մշակույթը դարավոր ազդեցություն է թողել ռուսական մշակույթի և թատրոնի վրա:

Չեխովի անվան թատերական փառատոնի տնօրենը նաև նշել է, որ քաբուքի թատրոնում թեև շատ բան անհասկանալի է մնում չնախապատրաստված հանդիսատեսի համար, բայց թատերասերներին այդ անսովոր ներկայացումները հետաքրքիր են՝ ինչպես են իրենց պահում դերասանները բեմում, ինչպես են զգում, ինչպես են շարժման միջոցով փոխանցում ասելիքը և այլն:
    Դիտվել է 126 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287>>հաջորդ