Քաղաքակրթական ներուժը կեցության բարձրագույն արժեք է:

Մարիանան ետ է ուղարկում հեռանկարային մսագործ Օսկարի նշանի մատանին

02.03.2018

Մոսկվայի Մայակովսկու անվան թատրոնի ռեժիսոր Նիկիտա Կոբելևը բուկինիստական խանութում հայտնաբերել է 20-րդ դարի առաջին կեսին ստեղծագործած գերմանացի դրամատուրգ Էդյոն ֆոն Հորվաթին, որը ըստ նրա և այսօրվա գերմանական թատերական միջավայրում տարածված կարծիքի նույնքան հարգանքի է արժանի, որքան Բերթոլթ Բրեխթը: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Գրախանութում պատահականորեն իր ձեռքն ընկած ժողովածուում ռեժիսորը տեսել է «Վիենական անտառի հեքիաթը» պիեսը և ուղղակի հմայվել է այդ գործով: Նա պարզել է, որ այս դեպքում ցնցող է ոչ միայն դրամատիկական ստեղծագործությունը, այլև դրա հեղինակի ճակատագիրը:

«Վիենական անտառի հեքիաթը» գրվել է 1931թ.-ին: Հենց այդ ժամանակ էլ այդ դրաման արժանացել է Հենրիխ Քլեյսթի անվան հեղինակավոր մրցանակին»- նշում է ռեժիսորը և ավելացնում, որ դա այն ստեղծագործություններից մեկն է, որը հետո, 1933թ.-ին, նետվեց Մյունխենում բազմաթիվ առաջադեմ գրողների գրքերով վառվող խարույկի մեջ:

Հորվաթը նացիստների իշխանության գալուց հետո Բեռլինից տեղափոխվում է Վիենա, իսկ Ավստրիան Գերմանիային բռնակցելուց հետո գաղթում՝ Փարիզ: Փարիզում, գրողը, որն ամբողջ կյանքում վախեցել էր կայծակից, զոհվում է իր վրա ընկած շագանակի ծառի ճյուղի տակ, որը կտրվել էր կայծակի հարվածից: Այդ ժամանակ նա 36 տարեկան էր:

Պիեսը կարծես եղել է նացիստների նոր կարգի ու վայրագության մասին նախազգուշացում: Թեև այն մարդկային մասնավոր կյանք է ներկայացնում, սակայն, այնտեղ, ասես սայթաքելով ներխուժում է նաև քաղաքականությունը՝ հանձին սկսնակ ֆաշիստի, որն իր կերպարով ներկայացնում է հասարակության պատկերը՝ այդ մեծ աղետի նախօրեին:

Բռնկված սերը հանկարծ սասանում է վիենական փոքրիկ խանութների քաղքենի տերերի հանդարտ կյանքը: Խաղալիքների խանութի տիրոջ աղջիկը՝ Մարիանան ետ է ուղարկում հեռանկարային մսագործ Օսկարի նշանի մատանին և փախչում է անհուսալի ավանտյուրիստ Ալֆրեդի հետ: Մեկ տարի անց այդ հուսահատ սերը վերածվում է դժբախտությունների շարանի...

«Ես անմիջապես սիրահարվեցի այս ստեղծագործությանը: Երբ կարդում էինք, դա ծիծաղելի էր, սարսափելի: Սա, իմ կարծիքով, համաշխարհային դրամատուրգիայի մեջ լավագույն պիեսներից մեկն է»,- նշել է Մարիանայի դերակատար Անաստասիա Դյաչուկը:

Հորվաթի մոտ հասարակության կերպարը ներկայացված է տնտեսական և անձնական ճգնաժամի դրսևորմամբ: Այստեղ շատ են կատակում և ուրախանում կյանքով, Դանուբի ափին գինի խմում, իսկ այդ ժամանակ ընդունվում են ճակատագրական որոշումներ:

« «Վիենական անտառի հեքիաթում» կա մի պահ, դա այն է, որ կախարդի թոռը, վամպիրների թագավորը և էլի ինչ-որ բաներ են ապրում իմ մոտ: Այնտեղ կա այդ մոտիվը: Այնտեղ կան շատ գծեր: Ցնցող դրամատուրգ է»,- գործընկերուհու խոսքին իր կարծիքն է ավելացրել մեկ այլ գլխավոր դերակատար՝ Վյաչեսլավ Կովալևը:

Ասենք, որ ներկայացումն արդեն պատրաստ է: Մոսկվայի Մայակովսկու անվան թատրոնում պրեմիերա է: Հանդիսատեսի դատին կներկայացվի մի պիես, որն, ընդհանրապես, առաջին անգամ է ռուսական բեմ բարձրացվում:





Ներկայացման լուսանկարը՝ ըստ հղման աղբյուրի
    Դիտվել է 168 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298>>հաջորդ