Քաղաքակրթական ներուժը կեցության բարձրագույն արժեք է:

Եվգենի Վախթանգով -135

02.13.2018

Այսօր լրանում է ծագումով հայ, 20-րդ դարի ռուսաստանցի թատերական հայտնի գործիչ, ռեժիսոր Եվգենի Վախթանգովի ծննդյան 135-ամյակը:

Մոսկվայում մեծանուն ռեժիսորի անվան հետ կապված մշակութային երկու հանրահայտ հաստատություններ կան նրա անունով թատրոնը և թատրոնին կից Շչուկինի անվան ինստիտուտը: Երկուսն էլ գտնվում են Ռուսաստանի մայրաքաղաքի կենտրոնում՝ միմյանցից մի քանի հարյուր մետր հեռավորությամբ:

Վախթանգովի անվան թատրոնից մի քանի նրբանցք հեռու, դրանցից մեկում, որը կոչվում է Դենեժնու նրբանցք, այն տունն է, որտեղ ռեժիսորը ապրել է իր կյանքի վերջին տարիներին: Հիմա այն վերածված է թանգարանի:

Վախթանգովը, որը համարձակվեց վերաիմաստավորել Ստանիսլավսկու և Մեյերհոլդի մեթոդները, ընդամենն իրականացրել է 8 բեմադրություն: Կարելի է ասել, որ դրանցից ամեն մեկը դարձել է թատրոնի պատմության մեջ մի նոր էջ:
Ստանիսլավսկու մեթոդին հետևելով՝ նա փնտրում էր իրենը:

Մահից քիչ առաջ Վախթանգովը պլանավորում էր բեմականացնել Աստվածաշունչը: Իսկ վերջին իրականացված աշխատանքը եղավ «Արքայադուստր Տուրանդոտը», որը մինչև այսօր էլ համարվում է նրա հիմնած ու նրա անունը կրող թատրոնի խորհրդանիշը: Այդ ներկայացումն էր, որ որոշեց արվեստում վախթանգովյան ուղղությունը, որը կոչվում է երևակայական ռեալիզմ: Այդ ներկայացման պրեմիերային ինքը՝ բեմադրիչը ի վիճակի չեղավ ներկա լինել: Նա արդեն անկողնային հիվանդ էր և մահացավ այդ իրադարձությունից 3 ամիս անց:

Եվգենի Վախթանգովը ապրեց ընդամենը 39 տարի:

Անցած ավելի քան մեկ դարում վախթանգովյան թատրոնը և դպրոցը շատ խութերի միջով է անցել ու շատ դափնիներ վաստակել: Այն այսօր համաշխարհային թատերական մշակույթի մասն է և առաջատար ուժերից մեկը:
    Դիտվել է 130 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290>>հաջորդ