Քաղաքակրթական ներուժը կեցության բարձրագույն արժեք է:

Կես ժամ մաքուր ուրախության մեջ

02.13.2018

Մոսկվայի Սերպուխովկայի վրայի թատրոնում Իսրայելի «The Train Theater» թատրոնի ռեժիսորները ռուս դերասանների մասնակցությամբ բեմադրել են «Շատ փոքրիկ օվկիանոս» մանկական ներկայացումը: Այդ մասին տեղեկացնում է «taglur.am»-ը՝ հղում անելով «iz.ru»-ին:

Խորտակված նավը գտնելու նպատակով երկու ձկնիկների ճանապարհորդությունների մասին այս պարզ պատումը բավականին անսովոր է, քանի որ այն ներկայացվում է առարկաների թատրոնի ձևով:

Բեմում երեք լուսավորված ակվարիումներ են: Գլխավոր հերոսները կարմիր և արծաթազոծ ձկնիկներն են, որոնք պատկերվում են փայտիկների վրա հարմարեցված գործվածքային կտորտանքներով: Այստեղ սափրվելու համար նախատեսված վրձինը վերածվել է ծովահրեշի, գդալներն ու շերեփները նավի հետ խորասուզված երաժշտական գործիքների, իսկ պահարանից հանված հագուստները ՝ պարող ուրվականների... Այս ոչ խորամանկ հավաքածոն բեմադրիչների և դերասանների թիմն ամենաուղղակի ձևով կենդանացնում է՝ ստիպելով երեխաներին հավատալ հեքիաթին: Եվ եթե սկզբում փոքրիկները նկատում են, որ դրանք «կենդանի չեն«, ապա գործողության կեսին արդեն ակնկեղծ ցավում են հերոսների համար և միասնական ու ինքնաբուխ մղումով բղավում են «Ձգնիկ, փախիր»:

Ներկայացման յուրահատկություններից մեկը երեխաներին ակտիվացնել է: Դերասանները պետք է կարողանան իրենց ճշգրիտ պատասխաններով դուրս գալ երեխաների անսպասելի հարցերով առաջացող իրավիճակներից: Հենց փոքրիկ հանդիսատեսներն են ներկայացումը ակամա վերածում իմմերսիվ թատրոնի՝ դրանում ավելացնելով իրենց անսպասելի մեկնաբանություններն ու գործողությունները: Լսվում են նրանց դեռ անվարժ լեզվով արտասանվող կենցաղային իրերի անվանումները, որոնք վերածվել են գործող անձանց ՝ մեկն ասում է թավա է, մյուսը՝ կաթսա և այլն:

Բեմադրության մեջ ակնհայտ երևում է այն ստեղծողների ոչ սովորական երևակայությունը, նրանց սերը փոքրիկ հանդիսատեսի հանդեպ: Ներկայացման տևողությունը 35 րոպե է:

Կարճ է, սակայն ով չի ուզենա, թեկուզ կես ժամով, հայտնվել մաքուր ուրախության մեջ:
    Դիտվել է 109 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287>>հաջորդ