Քաղաքակրթական ներուժը կեցության բարձրագույն արժեք է:

Վագներից և Չայկովսկուց հետո երաժշտություն ստեղծողը «Metallica»-ն է

02.14.2018


Ամերիկյան «Metallica» ռոք համույթը դարձել է «Polar Music Prize» հեղինակավոր երաժշտական մրցանակի դափնեկիր: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Մրցանակային հանձնաժողովը իր ընտրությունը կատարելիս հայտարարել է, որ Վագների և Չայկովսկու ժամանակներից ոչ մեկը, բացի «Metallica» համույթից, չի ստեղծել այնպիսի երաժշտություն, որը լիներ «այդքան ֆիզիկական և եռանդուն» և միաժամանակ այդքան մատչելի:

«Metallica» ռոք համույթը կազմավորվել է 1981թ.-ին: Այն կատարում է սթիլլ-մետալ և հևի-մեթալ ոճի երաժշտություն: Մինչև այսօր համույթը վաճառել է իր ստեղծագործությունները ամփոփող 100 մլն ձայնապնակ:

Բացի «Metallica»-ից այդ մրցանակին է արժանացել նաև Երաժշտության Աֆղանստանի ազգային ինստիտուտը, որն, ըստ մրցութային հանձնաժողովի, «Արժանապատվորեն է օգտագործում երաժշտության իշխանությունը, որպեսզի փոփոխի երիտասարդ մարդկանց կյանքը»:

Երաժշտության Աֆղանստանի ազգային ինստիտուտը հիմնադրվել է 2008թ.-ին, Քաբուլում: Այն կազմված է երկու բաժնից՝ 1. Աֆղանական ժողովրդական երաժշտություն, 2. Դասական արևմտաեվրոպական երաժշտություն: Այն նպատակամղված է երաժշտություն սովորեցնել երեխաներին և պատանիներին, այդ թվում նաև չունևոր ընտանիքներից դուրս եկածներին:

«Polar Music Prize» մրցանակը հիմնադրել է շվեդական հայտնի ABBA համույթի մենեջեր Սթիգ Անդերսենը:

Տեսանյութեր

Դիտվել է 369 անգամ