Քաղաքակրթական ներուժը կեցության բարձրագույն արժեք է:

Եվրոպայի ամենամեծ ծաղրածուական թատրոնին սպառնում է առանց տանիք մնալու վտանգը

02.15.2018

Սեփական լեգենդար պատմությունն արդեն կես դար հյուսող պետերբուրգյան թատրոններից մեկը՝ Վյաչեսլավ Պոլունինի հիմնած «Լիցեդեյի» թատրոնը հայտնվել է առանց տանիքի մնալու վտանգի առջև: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Բանն այն է, որ թատրոնը, որը 2009թ.-ից գործում է Ռուսաստանի հյուսիսային մայրաքաղաքի «Տոլստոյ-սկվեր» կոչվող առևտրային համալիրի վերին հարկերում, չի կարողանում վճարել զբաղեցրած տարածքի վարձը:

Եվրոպայում ամենամեծը համարվող ծաղրածուական թատրոնի պարագայում այս խնդրի զավեշտալին այն է, որ առևտրային համալիրը, որին այս մշակութային հաստատությունը վարձ է վճարում, կառուցվել է այն հողակտորի վրա, որը դեռևս 2002թ.-ին Սանկտ-Պետերբուրգի նահանգապետի կարգադրությամբ հատկացված է եղել հենց այս թատրոնին: Իրեն պատկանող հողակտորում ուրիշի կառուցած շենքում թատրոնը տարածությունը վարձակալել էր կես գնով: Դա էլ եղել է հողատիրոջը առևտրային կենտրոնի կողմից արված զեղջը:

Իսկ իր շենքում մշակութային հաստատության առկայությունը «Տոլստոյ-սկվեր»-ի համար ունեցել է այն առավելությունը, որ թատրոնի շնորհիվ արդարացվել է քաղաքի պատմամշակութային կենտրոնում նման կառույցի գոյությունը: Բացի դա, շնորհիվ թատրոնի առևտրային կազմակերպությունն ազատվել է քաղաքի ենթակառուցվածքների զարգացման համար պարտադիր հարկերի վճարումներից: Հետաքրքիր է նշել, որ «Տոլստոյ-սկվեր»-ի ընդհանուր մակերեսը 26 հազար քառակուսի մետր է, իսկ այդ համալիրի վերին հարկերում գտնվող թատրոնը զբաղեցնում է հսկայական մակերեսի միայն 7 տոկոսը:

Սակայն, այսօր իրավիճակը փոխվել է և առևտրային կազմակերպությունը փորձում է ազատվել մշակութային հաստատությունից և դա իրականացնելու համար բարձրացրել է վարձի չափը:

«Որոշ բիզնեսմեններ անտեսում են սեփական խիղճը և մարդկային արժանապատվությունը: Նրանք թքած ունեն արվեստի վրա, որը մարդկանց բերում է ուրախություն: Նրանց համար գլխավորը հաշվի վրա զրոների թիվն է: Չէ՞ որ ավելի շահեկան է թատրոնին դուրս անել և ազատված տարածքը տրամադրել կահույք վաճառողներին, որոնք վարձավճարի համար չեն պահանջում հատուկ զեղջի պայմաններ»,- ասել է «Լիցեդեյի» դերասան Վիկտոր Սոլովյովը:

Թատրոնի ու առևտրային համալիրի միջև ձևավորված այս թնջուկը ունի մի քանի տարվա պատմություն, իսկ 2017թ.-ի գարնանից հայտնվել էր դատական գործընթացի մեջ, որը 2018թ.-ին ավարտվել է թատրոնի պարտությամբ: Սանկտ-Պետերբուրգի քաղաքային իշխանություններն այս անգամ չեն աջակցել արտիստներին:
    Դիտվել է 927 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների