Քաղաքակրթական ներուժը կեցության բարձրագույն արժեք է:

Գիտականորեն հիմնավորվել է, որ հեռուստասերիալը առաջացնում է երակների խցանում

02.23.2018

Ալկոհոլ ըմբոշխնելով սերիալ դիտելը կարող է ոչ միայն վնասել առողջությունը, այլև մահացու վտանգի պատճառ դառնալ: Այսպիսի եզրակացության են հանգել ԱՄՆ-ի Մինեսոթա նահանգի Մինեապոլիս քաղաքի հետազոտական համալսարանի մասնագետները: Ըստ նրանց, խմիչք օգտագործելով սերիալների դիտման ժամանակ մեծանում է արյունատար երակներում խցանման երևույթների առաջացման վտանգը: Այդ մասին «deadline.com»-ի տեղեկատվությունը փոխանցում է «taglur.am»-ը:

Հետազոտութանը մասնակցել են 24 տարեկանից բարձր 15 հազար մարդ: Նրանց բաժանել են չորս խմբի՝ ըստ սերիալների նկատմամբ կախվածության՝ 1. Երբեք հեռուստացույց չեն դիտում, 2. Երբեմն դիտում են, 3. Հաճախ են դիտում, 4.Շատ են դիտում:

Ինչպես պարզվել է, ալկոհոլ խմելով սերիալ դիտողներ մոտ խցանում (տրոմբոզ) առաջանալու հավանականության աստիճանը 1,7 անգամ ավելի բարձր է, քան մյուս երեք տարբերակներում գտնվողների մոտ:

Համաձայն հետազոտության արդյունքների, արյունատար անօթների խցանման ռիսկայնության աստիճանը մեծ է հատկապես 60 –նն անց և ավելի հասակավոր մարդկանց համար: Մոտավոր տվյալներով, ԱՄՆ-ում այդ հիվանդությամբ տարեկան տառապում է 300 հազար մարդ:

«Նույնիսկ այն մարդիկ, որոնց հատուկ է ֆիզիկական ակտիվությունը, պետք է զգուշորեն վարվեն այնպիսի նստակյաց «զբաղմուններին», ինչպիսին է հեռուստացույց դիտելը»,- ասել է համալսարանի հետազոտող թիմի ղեկավար Յասուհիքո Քուբոթան:

Հավելենք, որ 2015 թ.-ին Հոլանդիայի Լեյդեն քաղաքի բժշկական համալսարանի գիտնականները պարզել են, որ իրոք, սարսափի ֆիլմերի ազդեցության տակ երակներում նկատվում է արյան թանձրացում, որը կարող է իրական վնաս հասցնել առողջությանը: Նրանք պարզել են, որ այդպիսի ֆիլմերի դիտման ժամանակ արյան բաղադրության մեջ սպիտակ գնդիկների ավելացում է դիտարկվում: Այդպես օրգանիզմը նախապատրաստվում է արյան կորստին՝ մարդուն սպառնացող վտանգի դեպքում:
    Դիտվել է 338 անգամ