Քաղաքակրթական ներուժը կեցության բարձրագույն արժեք է:

Չինացի քմահաճ թագուհին «վենետիկյան կամուրջի տակ՝ լուսնի լույսի ներքո»

02.24.2018

Այսօր Մոսկվայի Օբրազցովի անվան տիկնիկային թատրոնն իր հանդիսատեսին կներկայացնի «Տուրանդոտ» բեմադրությունը: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Տիկնիկային այս բեմադրության ռեժիսորի՝ Բորիս Կոնստանտինովի համար «Արքայադուստր Տուրանդոտը «Հին չինական հեքիաթ է, որը տեղի է ունեցել վենետիկյան կամուրջի տակ՝ լուսնի լույսի ներքո»:

Իսկ եթե կա կամուրջ, ուրեմն կա նաև ջուր, որը երբեմն արագահոս է, երբեմն՝ մեղմահոս: Այն կարևոր դեր է խաղում ներկայացման մեջ և ոչ միայն երբեմն միմյանց է բախում հերոսներին, այլև յուրահատուկ միջնորմ է տիկնիկների և արտիստների միջև: Ասենք որ, տիկնիկները նաև նավարկում են այդ ջրերում:

Այս ամենի հետ մեկտեղ ռեժիսորը չի վախեցել և իր ներկայացման մեջ օգտագործել է տիկնիկային թատրոնի համար անսովոր ծավալուն տեքստ՝ դրանով փորձ կատարելով բամբուկից պատրաստված իրենց տիկնիկների ուժերով, առանց հատուկ էֆեկտների ոչ միայն շարժել հանդիսատեսի հետաքրքրությունը, այլև լուծել նրան անընդհատ այդ դաշտում պահելու խնդիրը:

«Դասականը ինձ համար միշտ իր վրա կրում է ժամանակակցի թաղանթ: Եթե նախկինում մարդու հոգին ցավում էր ազատության համար, ես խոսում եմ Տուրանդոտի մասին, որը ազատության որոնումների մեջ էր, ապա այսօր նա պետք է պայքարի իր ներսում ինչ-որ մի ազատության համար»,- պրեմիերայից առաջ նշել է ներկայացման ռեժիսորը:








Լուսանկարն՝ ըստ հղման աղբյուրի
    Դիտվել է 96 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286>>հաջորդ