Քաղաքակրթական ներուժը կեցության բարձրագույն արժեք է:

Մարգարիտա Միքայելյանը դեռ 50 տարի առաջ է հավատացել Կառլսոնի գոյությանը

03.03.2018

Ուղիղ 50 տարի առաջ Մոսկվայի Երգիծանքի թատրոնում ռեժիսոր Մարգարիտա Միքայելյանը (1927-2004թթ.) դերասան Սպարտակ Միշուլինի (1926-2005թթ) գլխավոր դերակատարմամբ բեմադրեց Ասթրիդ Լինդգրենի հայտնի հերոսի՝ տանիքում ապրող Կառլսոնի մասին պատմությունը: Դա, ընդհանրապես, աշխարհում մեծերի ու փոքրերի սիրած հերոսին բեմ հանելու առաջին փորձն էր: Նույնիսկ ավելի առաջին, քան դա հետո պիտի արվեր Շվեյցարիայում: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այսօր՝ մարտի 3-ին, այդ հիշարժան պրեմիերայից կես դար անց, Երգիծանքի թատրոնը 2629-րդ անգամ հանդիսատեսին կներկայացնի մեջքին պտուտակ ունեցող սիրված հերոսի մասին իր ներկայացումը:

Դերասան Սպարտակ Միշուլինի համար (Կառլսոնի առաջին և չգերազանցված դերակատարի համար) դա ներկայացում էր մանուկի միայնակության մասին, այն մասին, որ ծնողները հաճախ ժամանակ չեն ունենում իրենց փոքրիկի վրա ուշադրություն դարձնելու, և այդ պատճառով, նա իրեն միայնակ է զգում մինչև այն պահը, քանի դեռ չի հավատացել Կառլսոնի գոյությանը: Այո, Երգիծանքի թատրոնի Կառլսոնը միշտ եղել է մեծ երեխա և նա ունի մանկական հոգի:

«Ասթրիդ Լինդգրենը ահազանգում է այն վտանգի մասին, որով ծածկված է ողջ աշխարհը: Հավերժ զբաղված մեծերը դադարել են հասկանալ երեխաներին և նրանց միայնակությունը: Հեղինակը, ինչպես միջնադարյան ասպետ, առաջ է նետվել երեխաներին պաշտպանելու համար՝ կամավոր իր վրա վերցնելով այդ ծանր բեռը»,- ասում էր Մարգարտա Միքաելյանը:

Նա միշտ նշում էր, որ ամեն անգամ «Փոքրիկը և Կառլսոնը, որը ապրում է տանիքում» ներկայացման դերասաններին հիշեցնում է, որ խաղան միմյանց հանդիպած երկու միայնակ երեխաների մասին թախծոտ պատմություն:

«Դահլիճում մարում է լույսը: Նեղ ճառագայթը սողալով բարձրանում է վեր և նրա մեջ հայտնվում է Կառլսոնը (Սպարտակ Միշուլինը): Նա կարծես օրորվում է օդում: Նա թռչում է Փոքրիկի հետ հանդիպման»,- ներկայացնում էր Մարգարիտա Միքայելյանը և ավելացնում, որ երեխաները միշտ (նաև այսօր) նրան դիմավորում են հիացական ծափահարություններով:

«Նրանք սիրահարվեցին Կառլսոնին առաջին հայացքից, իսկ մեծերը հիշում են իրենց մանկությունը»,- այս էր ռիժիսորի եզրակացությունը ամեն ներկայացումից հետո:

Լույսերը վառվում են: Դահլիճում մթնոլորտը լցված է բարությամբ, ուրախությամբ, սիրով...

Միշուլինի կերտած Կառլսոնը միշտ նորովի էր նվաճում հանդիսատեսների սրտերը: Եվ դա մի քանի սերունդ անընդմեջ:

Այսօր մոսկովյան թատրոնում այդ կերպարը հերթով մարմնավորում են երկու դերասաններ՝ Սերգեյ Չուրբակովը և Պավել Միսաիլովը:

Հանդիսասրահում ազատ տեղ չկա: Կրկին անշլագ է:
    Դիտվել է 202 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308>>հաջորդ