Քաղաքակրթական ներուժը կեցության բարձրագույն արժեք է:

Հավանաբար քաղաքային իշխանությունները կպահպանեն...

03.19.2018



Չբացահայտված, բայց հանրահայտ բրիտանացի փողոցային նկարիչ Բենքսին Նյու-Յորքում ստեղծել է մի նոր վիմանկար, որով իր օժանդակությունն է հայտնել Թուրքիայի քաղաքացի, ծագումով քուրդ լրագրող և գեղանկարիչ Զահրա Դոգանին, որը գրեթե երեք տարի անցկացրել է թուրքական բանտում՝ նախագահ Էրդողանին քննադատելու և Թուրքիայի բանակի կողմից 2015թ.-ին ավերակների վերածված Նուսայբին քաղաքը պատկերելու համար: Այդ մասին տեղեկացնում է «taglur.am»-ը՝ հղում անելով «outstyle.org»-ին:

Մեծամասշտաբ այդ աշխատանքի համար նկարիչն ընտրել է Նյու-Յորքի Բաուերի և Հյուսթոն-սթրիթ փողոցների խաչմերուկում գտնվող շենքի պատը: Նկարը ունի 20 մետր երկարություն, որտեղ պատկերված է Զահրա Դոգանը, և ճաղերի քանակով անազատության մեջ նրա անցկացրած օրերը խորհրդանշող վանդակաշարեր:

2016թ.-ի ձերբակալված Զահրա Դոգանը անազատության է դատապարտվել այն հիմնավորմամբ, որ նա իր ստեղծագործությունը նկարել և սոցիալական ցանցում տարածել էր պարետային ժամին և ցուցադրել է ռազմական գործողություններ, որոնք իրականացվում են ոչ այնքան հեռու վայրում: Նրա դատավճիռը հրապարակվել է 2017թ.-ին: Նա, ընդհանուր առմամբ, բանտում անցկացրել է 33 ամիս:

Ասենք, որ Բենքսիի աշխատանքները գնահատվում են շատ բարձր՝ հարյուրհազարավոր դոլար արժողությամբ: Եվ ամենայն հավանականությամբ նյու-յորքյան այս նոր ստեղծագործությունը կմնա և կպահպանվի քաղաքային իշխանությունների կողմից:





Այս թեմայով այլ հղումներ-1
    Դիտվել է 350 անգամ