Կան գեղարվեստական ղեկավարներ, որոնք ունակ են և ցանկանում են...03.21.2018
Մոսկվայի Չեխովի անվան գեղարվեստական թատրոնի ղեկավար Օլեգ Տաբակովի մահից հետո, Ռուսաստանում թատրոնին վերաբերող հրատապ քննարկման հարցերից մեկն էլ դարձել է տնօրենի և գեղարվեստական ղեկավարի պաշտոնների համատեղման կամ առանձին մարդկանց միջոցով իրականացնելու պարզաբանումը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
«Այս պահին թատրոնի ղեկավարման ցանկացած ձև հնարավոր է: Կարող է լինել միանձնյա և երկու հոգու կողմից ղեկավարում»,- նշել է, օրինակ Մայակովսկու անվան թատրոնի տնօրեն Լեոնիդ Օշարինը:
Նրա կարծիքով այդ երկու սխեմաներն էլ գոյության իրավունք ունեն: Նա նշել է, որ եթե մեկ անձ իրականացնում է և գեղարվեստական ղեկավարի, և տնօրենի պաշտոնը, սովորաբար, ունենում է առաջին տեղակալ, որն էլ կատարում է տնօրենի աշխատանքը: Հենց այդպիսին էր Մոսկվայի Չեխովի անվան գեղարվեստական թատրոնի ղեկավարման կառուցվածքը՝ մինչև Օլեգ Տաբակովի մահը:
Պետք է նշել, որ վերջին ժամանակաշրջանում Ռուսաստանում թատրոնի ղեկավարման ձևը որոշվում է այն հանգամանքով, թե ո՞վ կամ ովքե՞ր են այդ գործն իրականացնելու համար նախատեսվող թեկնածուն կամ թեկնածուները: Կան գեղարվեստական ղեկավարներ, որոնք ունակ են և ցանկանում են այդ երկու աշխատանքները համատեղել, սակայն կան նաև այնպիսիք, որոնք չեն ցանկանում լինել տնօրեն: Դրանից ելնելով էլ թատրոնների կանոնադրություններում կատարվում են համապատասխան փոփոխություններ:
«Կյանքը ցույց է տալիս, որ գեղարվեստական ղեկավարի և տնօրենի պաշտոնների համատեղումը մեկ անձի մեջ գեղարվեստական ղեկավարին դարձնում է արտակարգ խոցելի: Մենք դա չենք ցանկանում»,- ասել է Ռուսաստանի մշակույթի փոխնախարար Ալեքսանդ Ժուրավսկին:
Ասենք, որ ավելի վաղ Ռուսաստանի թատերական գործիչների միության նախագահ Ալեքսանդր Կալյագինը նախարարությանն առաջարկել էր համատեղ մշակել երաշխավորություն, որը կօգներ սահմանազատել թատրոնների գեղարվեստական ղեկավարի և տնօրենի ազդեցության ոլորտները:
Ռուսաստանում այսօր գործող օրենսդրության համաձայն, այդ երկու պաշտոնների համատեղման կամ առանձին մարդկանց միջոցով իրականացման հարցի որոշումը կայացնում է թատրոնի հիմնադիրը: Ասենք, որ առավել հաճախ ընտրվում է միանձնյա ղեկավարման ձևը: Ըստ Ալեքսանդ Կալյագինի, հենց այդ պատճառով էլ թատրոնների նկատմամբ վերջին շրջանում առաջանում են ֆինանսա-տնտեսական խախտումների հետ կապված այդքան շատ պահանջներ:
Մոսկվայի Չեխովի անվան գեղարվեստական թատրոնի ղեկավար Օլեգ Տաբակովի մահից հետո, Ռուսաստանում թատրոնին վերաբերող հրատապ քննարկման հարցերից մեկն էլ դարձել է տնօրենի և գեղարվեստական ղեկավարի պաշտոնների համատեղման կամ առանձին մարդկանց միջոցով իրականացնելու պարզաբանումը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
«Այս պահին թատրոնի ղեկավարման ցանկացած ձև հնարավոր է: Կարող է լինել միանձնյա և երկու հոգու կողմից ղեկավարում»,- նշել է, օրինակ Մայակովսկու անվան թատրոնի տնօրեն Լեոնիդ Օշարինը:
Նրա կարծիքով այդ երկու սխեմաներն էլ գոյության իրավունք ունեն: Նա նշել է, որ եթե մեկ անձ իրականացնում է և գեղարվեստական ղեկավարի, և տնօրենի պաշտոնը, սովորաբար, ունենում է առաջին տեղակալ, որն էլ կատարում է տնօրենի աշխատանքը: Հենց այդպիսին էր Մոսկվայի Չեխովի անվան գեղարվեստական թատրոնի ղեկավարման կառուցվածքը՝ մինչև Օլեգ Տաբակովի մահը:
Պետք է նշել, որ վերջին ժամանակաշրջանում Ռուսաստանում թատրոնի ղեկավարման ձևը որոշվում է այն հանգամանքով, թե ո՞վ կամ ովքե՞ր են այդ գործն իրականացնելու համար նախատեսվող թեկնածուն կամ թեկնածուները: Կան գեղարվեստական ղեկավարներ, որոնք ունակ են և ցանկանում են այդ երկու աշխատանքները համատեղել, սակայն կան նաև այնպիսիք, որոնք չեն ցանկանում լինել տնօրեն: Դրանից ելնելով էլ թատրոնների կանոնադրություններում կատարվում են համապատասխան փոփոխություններ:
«Կյանքը ցույց է տալիս, որ գեղարվեստական ղեկավարի և տնօրենի պաշտոնների համատեղումը մեկ անձի մեջ գեղարվեստական ղեկավարին դարձնում է արտակարգ խոցելի: Մենք դա չենք ցանկանում»,- ասել է Ռուսաստանի մշակույթի փոխնախարար Ալեքսանդ Ժուրավսկին:
Ասենք, որ ավելի վաղ Ռուսաստանի թատերական գործիչների միության նախագահ Ալեքսանդր Կալյագինը նախարարությանն առաջարկել էր համատեղ մշակել երաշխավորություն, որը կօգներ սահմանազատել թատրոնների գեղարվեստական ղեկավարի և տնօրենի ազդեցության ոլորտները:
Ռուսաստանում այսօր գործող օրենսդրության համաձայն, այդ երկու պաշտոնների համատեղման կամ առանձին մարդկանց միջոցով իրականացման հարցի որոշումը կայացնում է թատրոնի հիմնադիրը: Ասենք, որ առավել հաճախ ընտրվում է միանձնյա ղեկավարման ձևը: Ըստ Ալեքսանդ Կալյագինի, հենց այդ պատճառով էլ թատրոնների նկատմամբ վերջին շրջանում առաջանում են ֆինանսա-տնտեսական խախտումների հետ կապված այդքան շատ պահանջներ:
 28.11.jpg)
.jpg)
