Քաղաքակրթական ներուժը կեցության բարձրագույն արժեք է:

Էդիպը գիտե, որ դա իր մահվան վայրն է

03.26.2018

Հանգստյան օրերին, մարտի 24-ին և 25-ին, Սանկտ-Պետերբուրգի Տովստոնոգովի անվան Մեծ դրամատիկական թատրոնում հայտնի ռեժիսոր Անդրեյ Կոնչալովսկին հանդիսատեսին է ներկայացրել «Էդիպը Կոլոնում» իր նոր ներկայացումը: Այդ մասին տեղեկացնում է «РИА новости»-ն:

Այս բեմադրությունը Սոֆոկլեսի հեղինակած ողբերգության համառոտացված տարբերակն է: Իր հեղինակային վարկածում ռեժիսորը հրաժարվել է կերպարների մի մասից, իսկ որոշներն էլ միավորել է մեկ հերոսի մեջ:

Կուրացած և Թեբեից վտարված հայրասպան և իր մոր հետ ամուսնացած Էդիպ թագավորը թափառում է Հունաստանում իր դստեր՝ Անտիգոնեի հետ՝ որևէ վայրում չգտնելով հանգրվան: Ներկայացումը սկսվում է այն պահից երբ նրանք հասնում են Աթենքի մոտ գտնվող Կոլոնա գյուղ: Հասնելով սրբազան պուրակին, նրանք կանգ են առնում, որովհետև Էդիպը գիտե, որ դա իր մահվան վայրն է:

«Սոֆոկլեսը, Էսքիլոսը, Շեքսպիրը, Չեխովը, Սթրինբերգը ստեղծել են ստեղծագործություններ, որոնց մեջ կարելի է գտնել ինչ-որ մի ընդհանուր բան: Հանճարների մեջ այդ ընդհանուրը մարդուն և աշխարհը ճանաչելու փորձն է: «Փորձը հասկանալ»-ը չի նշանակում գիտակցել: Այդ պատճառով էլ այդ ստեղծագործությունները ինքնին հանդիսանում են հանելուկ: Եվ ամեն անգամ ռեժիսորը ձգտում է հասկանալ տիեզերքի և մարդու հենց այդ նույն գաղտնիքը»,- ասել է Կոնչալովսկին:

Նրա ասելով Սոֆոկլեսին և Չեխովին բեմադրելը միանման բարդ են, որովհետև քեզ զգում ես ապակե բուրգով վեր սողացողի վիճակում:

«Ամեն դար ունի այդ մեծ ստեղծագործությունների իր ընթերցումները»,- ավելացրել է ռուսաստանցի ռեժիսրը:

Ասենք, որ Անդրեյ Կոնչալովսկին անտիկ դարաշրջանի հույն դրամատուրգի այս ողբերգությանն անդրադարձել է նաև 2014թ.-ին:

Այդ անգամ նա սոֆոկլեսյան ողբերգության իր պատկերացումները բեմ էր հանել իտալացի արտիստների հետ՝ Իտալիայում:
    Դիտվել է 33 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278>>հաջորդ