Քաղաքակրթական ներուժը կեցության բարձրագույն արժեք է:

Փորձերի ժամանակ երաժիշտի մոտ զարգացել է Մենյերի հիվանդություն

03.29.2018


Բրիտանացի ալտահար Քրիս Գոլդշայդերը, որի լսողությունը լուրջ վնասվել է Լոնդոնի Արքայական օպերայում փորձերից մեկի ժամանակ, դատարանի որոշմամբ կստանա փոխհատուցում: Այդ մասին տեղեկացնում է «taglur.am»-ը՝ հղում անելով «bbc.com»-ին:

Գոլդշայդերը պնդել է, որ իր լսողության հետ կապված լուրջ հիմնախնդիրների պատճառը Ռիխարդ Վագների «Վալկիրիա» օպերայի փորձերի ժամանակ ստացած ակուստիկ շոկն է:

Արքայական օպերայի ղեկավարությունն էլ իր հակափաստարկն էր առաջ քաշել, որի համաձայն փորձերի ժամանակ երաժիշտի մոտ զարգացել է Մենյերի հիվանդություն (լսողության աճող թուլացմամբ ուղեկցվող ներքին ականջի հիվանդություն):

Լոնդոնի Բարձ դատարանի դատավորը, սակայն, որոշել է, որ օպերայի ղեկավարության նշած համընկնումը հիվանդության վերաբերյալ քիչ հավանական է: Դատավորը նաև չի համաձայնվել նրանց այն պնդման հետ, որ լսողության որոշ վնասվածքները անխուսափելի են և պրոֆեսիոնալ երաժշտի համար արդարացված: Դատավորը հայտարարել է, որ «երաժիշտները օրենքով պաշտպանված են այնպես, ինչպես ցանկացած այլ աշխատակից»:

Գոլդշայդերին հասցված վնասի չափը կգնահատվի ավելի ուշ: Նա հայտարարել է, որ դատական այս նախադեպը կկանխի երաժիշտների հետագա վնասումը: Նա հույս է հայտնել, որ Արքայական օպերան և համանման այլ հաստատությունները կվերանայեն նվագախմբի համար տարածքների հատկացման իրենց կանոնները և դրանց կառուցվածքում կկատարեն անհրաժեշտ փոփոխություններ:

Բանն այն է, որ 2012թ.-ի սեպտեմբերի 1-ին, Վագների օպերայի փորձի ժամանակ Քրիս Գոլդշայդերը նստած է եղել ուղիղ նվագախմբի փողային գործիքների հատվածի դիմաց: Այդ փորձի ժամանակ ձայնային ճնշման մակարդակը նվագախմբի փոսի այդ հատվածում գերազանցել է 130 դեցիբալը, որը համարժեք է հրթիռային շարժիչ աղմուկին:

Երաժիշտը կարծում է, որ ինքը տուժել է ակուստիկ շոկից, որը իր մեջ առաջացրել են այնպիսի ախտանիշեր, ինչպիսիք են աղմուկը ականջներում, գլխապտույտը, հիպերկուզիան (Ձայնի նկատմամբ կտրուկ առաջացող ցավոտ արձագանք):
Գոլդշայդերը Լոնդոնի Արքայական օպերայում աշխատում էր 2002թ.-ից: 2014թ.-ին ստացած վնասվածքի պատճառով նա ստիպված էր ազատվել աշխատանքից:

«Ես 18 ամիս եմ կորցրել, որպեսզի վերականգնվեմ և վերադառնամ գործիս, սակայն, դժբախտաբար, այդպես էլ չկարողացա դա անել»,- հայտարարել է երաժիշտը:




Լուսանկարն՝ ըստ հղման աղբյուրի:
    Դիտվել է 66 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ