Քաղաքակրթական ներուժը կեցության բարձրագույն արժեք է:

Ո՞րն է ավելի կարևոր՝ տեքստը, թե՞ պատկերը

03.30.2018


Սանկտ-Պետերբուրգի Սերգեյ Կուրեխինի անվան ժամանակակից արվեստի կենտրոնում «Թատրոն post»-ը կրկին անդրադարձել է «Ես մասնակիորեն ազատ եմ» պիեսին: Այդ մասին տեղեկացնում է «taglur.am»-ը՝ հղում անելով «colta.ru»-ին:

Ռուսաստանի թատերական բարձրագույն՝ «Ոսկե դիմակ» ազգային մրցանակի դափնեկիր Վսեվոլոդ Լիսովսկու այս ներկայացումը նախ և առաջ յուրահատուկ է այն բանով, որ հեղինակը, ինչպես իր նախորդ թատերական նախագծերում, այստեղ նույնպես ուսումնասիրում է թատրոնի սահմանները և թատերայնության բնույթը: Այսինքն, զբաղվում է արվեստի մարդաբանությամբ:

Պիեսի հեղինակը բելոռուս դրամատուրգ Պավել Պրյաժկոն է: Նրա այս ստեղծագործությունը կազմված է 535 լուսանկարներից և նրանց համար արված 13 ստորագրություններից:

Այս անսովոր պիեսը դեռևս 2012թ.-ին «Թատրոն post»-ում արդեն մեկ անգամ բեմադրել էր ռուսաստանցի մեկ այլ հայտնի փորձարար ռեժիսոր՝ Դմիտրի Վոլկոստրելովը, որի արդյունքում այդ երկրում առաջին անգամ հռչակվեց նոնսփեքտակուլյար (Ոչ դիտարժան) թատրոնի մասին:

Վսեվոլոդ Լիսովսկին իր բեմադրությունը այնպես է կառուցել, որ ներկայացման լիիրավ մասնակիցներ են համարվում ոչ միայն «Թատրոն post»-ի դերասանները, այլև հանդիսատեսները:

Ըստ ռեժիսորի այս նոր նախագծում ներկայացման բոլոր մասնակիցները պետք է քննարկեն նախ և առաջ այն թեման, թե ո՞րն է ավելի կարևոր տեքստը, թե՞ պատկերը և այս հակադրության մեջ իրենք հակված են դեպի պատկերին առաջնություն տալու մտքին: Երկրորդ՝ կշարունակվի ջնջվել հանդիսատեսի և դերասանի միջև եղած սահմանը, որը բեմադրիչը կատարում է հատուկ մշակված մեխանիզմով և հանդիսատեսի առավելագույն ներգրավմամբ: Երրորդ, ինչպես որ ընդունված է, ներկայացումը բարդից կընթանա դեպի ավելի պարզը:

«Դանդաղ շարժվում ենք դեպի մեր երազանքը»,- իր ներկայացման մասին ասել է ռեժիսորը:
    Դիտվել է 149 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300>>հաջորդ