Քաղաքակրթական ներուժը կեցության բարձրագույն արժեք է:

Ռեժիսոր Ուգարովը կհուղարկավորվի Տրոեկուրովյան գերեզմանատանը

04.04.2018

Մոսկվայի «Տեատր.Doc» թատրոնի հիմնադիր և գեղարվեստական ղեկավար, դրամատուրգ և ռեժիսոր Միխայիլ Ուգարովի մարմինը կհուղարկավորվի Ռուսաստանի մայրաքաղաքի Տրոեկուրովյան գերեզմանատանը: Այդ մասին տեղեկացնում է անկախ թատրոնի պաշտոնական կայքը՝ նշելով, որ ժողովրդական հանգանակությամբ «մեզ փոխանցել են 100, 200, 300-ական ռուբլիներ «այդ իմ կորուստն է», «մենք դուրս կգանք տակից» խոսքերով»:

Համաժողովրդական օժանդակության համար երախտագիտությունը ««Տեատր.Doc»-ը իր ֆեյսբուքյան էջում արտահայտել է հետևյալ խոսքերով. « Սիրելի մարդիկ, դուք աներևակայելի եք, շնորհակալություն: Դուք հավաքել եք դրամը իրականում որպես Ուգարովի ժողովրդական հուշարձան: Մենք դա արեցինք: Մենք՝ բոլորով»:

Ի դեպ, Մոսկվայի քաղաքապետարանը այդպես էլ սեփական միջոցներով չի բավարարել թատերական գործիչին Տրոեկուրովյան գերեզմանատանը հուղարկավորելու դիմումը և, ինչպես նշվում է թատրոնի ֆեյսբուքյան էջում. «... քաղաքապետարանը մեզ ասել է «... կրկին խնդրել (մերժումից հետո), թեև առանց որևէ երաշխիքի...»:

Սակայն ժողովրդական դրամահավաքի միջոցով գերեզմանատանը տեղ գնելու հնարավորություն ստացած «Տեատր.Doc» թատրոնը հայտարարել է, որ հիմա խոսք ասելու հերթը իրենն է և, որ իրենք այլևս չեն խնդրելու և, որ այդ տեղը Ուգարովը վաստակել է:

Միխայիլ Ուգարովի հուղարկավորությունը կկայանա Մոսկվայի Տրոեկուրովյան գերեզմանատանը, հինգշաբթի, ապրիլի 5-ին:




Այս թեմայով այլ հղումներ-1



Լուսանկարն՝ ըստ հղման աղբյուրի:
    Դիտվել է 365 անգամ