Քաղաքակրթական ներուժը կեցության բարձրագույն արժեք է:

Օթելոն կխոսի ոչ թե բառերի, այլ պլաստիկայի լեզվով

11.09.2013

Նոյեմբերի 9-ին Մոսկվայի Վախթանգովի անվան թատրոնը կներկայացնի շեքսպիրյան «Օթելոն»: Սակայն, ի տարբերություն ավանդական թատերախաղի, այս ներկյացումը հանդիսատեսին կմատուցվի ոչ թե խոսքով , այլ պլաստիկայով, հաղորդում է «РИА Новости»-ն:

Բեմադրությունը իրականացրել է պարուսույց Անժելիկա Խոլինան:

Դերակատարները ոչ թե բալետի պարողներ են, այլ թատրոնի դերասաններ:

«Ես սիրում եմ աշխատել դրամատիկական դերասանների հետ: Առաջին հերթին այն բանի համար, որ նրանց հնարավոր չէ ստիպել անել այն, ինչը նրանք չեն հասկանում կամ չեն զգում: Նրանք ձգտում են արդարացնել իրենց յուրաքանչյուր քայլը: Իսկ դա շատ կարևոր է: Չէ ՞ որ ես սիրում եմ բեմադրել մարդկանց, նրանց ճակատագրի, նրանց զգացմունքների մասին ներկայացումներ: Ես չեմ սիրում դատարկ պարեր, դատարկ պատմություններ: Ես ցանկանում եմ հուզել մարդկանց սրտերը: Ցանկանում եմ, որպեսզի նրանք զգան այն ճշմարտությունը, որը գալիս է բեմից», - ասել է Խոլինան:

«Օթելոն» Խոլինայի վախթանգովցիների հետ բեմադրված 3-րդ ներկայացումն է:

«Ես ընտրել եմ Շեքսպիրի ստեղծագործությունը, որտեղ մեծ գրողը պատմել է մարդկային սարսափելի ողբերգության մասին»: Այնուհետև պարուսույցը ընդգծել է, որ ինքը ցանկացել է ցույց տալ խանդի` մարդկային կյանքեր կործանող հատկությունը և պատճառած սարսափելի հետևանքները:

Ներկայացմանը մասնակցում են ինչպես փորձառու արտիստներ, այնպես էլ Շչուկինի անվան ուսումնարանի ուսանողներ և Առաջին ստուդիայի դերասաններ:

Անժելինա Խոլինան Թատերական արվեստի պետական ինստիտուտի շրջանավարտ է: Բալետ նա սկսել է բեմադրել դեռ ուսանողական տարիներից: 2000թ.-ին հիմնադրել է Անժելինա Խոլինայի պարային թատրոնը, որն այսօր համարվում է Լիտվայում ամենաճանաչվածներից մեկը: Պարուսույցը բեմադրել է 5 պարային ներկայացում, 2 բալետ և ավելի քան 50 խորեոգրաֆիկ մանրապատումներ:
    Դիտվել է 585 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343>>հաջորդ