Բարձրանալ աշխատասենյակ և զրուցել...05.02.2018
Այսօր, մայիսի 2-ին Երևանի թատրոնի և կինոյի ինստիտուտի դասախոսները և մի շարք թատրոնների դերասաններ իրենց բողոքի և անհնազանդության գործողությունները իրականացնելով ՀՀ Մշակույթի նախարարության մուտքի մոտ, պահանջում են նախարարի պաշտոնակատար Արմեն Ամիրյանին միանալ իրենց և երեկոյան մասնակցել համաժողովրդական ընդվզման և «Իմ քայլը» նախաձեռնության առաջնորդ Նիկոլ Փաշինյանի հրավիրած հանրահավաքին:
Ցուցարարները կոչ են արել նաև քաղաքացիական ակցիային միանալ դեռևս իրենց չմիացած մշակութային այլ կազմակերպությունները նույնպես:
ՀՀ մշակույթի նախարարի պաշտոնակատար Արմեն Ամիրյանը թեև հանդիպել և զրուցել է իր ղեկավարած ոլորտը ներկայացնող ցուցարարների հետ, սակայն դեռ որևէ հստակ մոտեցում չի բարձրաձայնել մշակույթի ոլորտի աշխատողների կողմից իրեն հասցեագրված միանալու կոչին:
Գերատեսչության ղեկավարը հրավիրել է ցուցարարների ներկայացուցիչներին իր հետ բարձրանալ աշխատասենյակ և զրուցել, սակայն վերջիններս մերժել են այդ հրավերը և հույս հայտնել, որ նախարարը կմիանա իրենց:
Ցույցի ընթացքում «Ազատություն» հեռուստաալիքին տված հարցազրույցում երգիչ Արամոն ԱԺ ՀՀԿ պատգամավոր Շուշան Պետրոսյանին հորդորել է ՀՀ վարչապետի երկրորդ առաջադրման ժամանակ քվեարկել իր խղճի թելադրանքով: Իսկ երգչուհուն ծանոթ ցուցարարուհիներից մեկը դիմել է ՀՀԿ-ի խմբակցության անդամ- երգչուհուն հետևյալ խոսքերով. «Շուշան ջան, դու ընտրել ես Կաբզոնի տարբերակը»,- և ընդգծել է, որ ռուսաստանցի այդ երգիչը (Կոբզոնը ՌԴ պետդումայի անդամ է) իրականում չի վայելում ոչ մեկի սերը:
Հիշեցնենք, Մարտի 31-ին «Քաղաքացիական պայմանագիր» կուսակցության առաջնորդ Նիկոլ Փաշինյանի նախաձեռնած «Իմ քայլը» արշավը Գյումրիից Երևան կատարած 14 օրյա քայլերթից հետո վերափոխվել է համազգային անհնազանդության մեծ շարժման: Այն մի նոր թափ է ստացել մայիսի 1-ին՝ ՀՀ ԱԺ արտահերթ նստաշրջանից հետո, երբ հանրապետության խորհրդարանը 45 կողմ և 56 դեմ ձայների հարաբերությամբ չհաստատեց խորհրդարանական «ԵԼՔ» դաշինքի կողմից Նիկոլ Փաշինյանին ՀՀ վարչապետ նշանակելու առաջարկությունը:
Այսօր, մայիսի 2-ին Երևանի թատրոնի և կինոյի ինստիտուտի դասախոսները և մի շարք թատրոնների դերասաններ իրենց բողոքի և անհնազանդության գործողությունները իրականացնելով ՀՀ Մշակույթի նախարարության մուտքի մոտ, պահանջում են նախարարի պաշտոնակատար Արմեն Ամիրյանին միանալ իրենց և երեկոյան մասնակցել համաժողովրդական ընդվզման և «Իմ քայլը» նախաձեռնության առաջնորդ Նիկոլ Փաշինյանի հրավիրած հանրահավաքին:
Ցուցարարները կոչ են արել նաև քաղաքացիական ակցիային միանալ դեռևս իրենց չմիացած մշակութային այլ կազմակերպությունները նույնպես:
ՀՀ մշակույթի նախարարի պաշտոնակատար Արմեն Ամիրյանը թեև հանդիպել և զրուցել է իր ղեկավարած ոլորտը ներկայացնող ցուցարարների հետ, սակայն դեռ որևէ հստակ մոտեցում չի բարձրաձայնել մշակույթի ոլորտի աշխատողների կողմից իրեն հասցեագրված միանալու կոչին:
Գերատեսչության ղեկավարը հրավիրել է ցուցարարների ներկայացուցիչներին իր հետ բարձրանալ աշխատասենյակ և զրուցել, սակայն վերջիններս մերժել են այդ հրավերը և հույս հայտնել, որ նախարարը կմիանա իրենց:
Ցույցի ընթացքում «Ազատություն» հեռուստաալիքին տված հարցազրույցում երգիչ Արամոն ԱԺ ՀՀԿ պատգամավոր Շուշան Պետրոսյանին հորդորել է ՀՀ վարչապետի երկրորդ առաջադրման ժամանակ քվեարկել իր խղճի թելադրանքով: Իսկ երգչուհուն ծանոթ ցուցարարուհիներից մեկը դիմել է ՀՀԿ-ի խմբակցության անդամ- երգչուհուն հետևյալ խոսքերով. «Շուշան ջան, դու ընտրել ես Կաբզոնի տարբերակը»,- և ընդգծել է, որ ռուսաստանցի այդ երգիչը (Կոբզոնը ՌԴ պետդումայի անդամ է) իրականում չի վայելում ոչ մեկի սերը:
Հիշեցնենք, Մարտի 31-ին «Քաղաքացիական պայմանագիր» կուսակցության առաջնորդ Նիկոլ Փաշինյանի նախաձեռնած «Իմ քայլը» արշավը Գյումրիից Երևան կատարած 14 օրյա քայլերթից հետո վերափոխվել է համազգային անհնազանդության մեծ շարժման: Այն մի նոր թափ է ստացել մայիսի 1-ին՝ ՀՀ ԱԺ արտահերթ նստաշրջանից հետո, երբ հանրապետության խորհրդարանը 45 կողմ և 56 դեմ ձայների հարաբերությամբ չհաստատեց խորհրդարանական «ԵԼՔ» դաշինքի կողմից Նիկոլ Փաշինյանին ՀՀ վարչապետ նշանակելու առաջարկությունը:
.jpg)
