Քաղաքակրթական ներուժը կեցության բարձրագույն արժեք է:

Ակադեմիան պատասխանատվություն է կրում

05.04.2018


2018թ.-ի գրականության գծով նոբելյան մրցանակը չի տրվելու: Մրցանակակիրների ընտրությունը և պարգևատրությունը տեղափոխվում է հաջորդ տարի: Այդ մասին տեղեկացնում է «taglur.am»-ը՝ հղում անելով « nobelprize.org»-ին:
Նոբելի հիմնադրամը հանդես է եկել հայտարարությամբ, որում նշել է, որ այս մրցանակի տեղափոխությունը չի անդրադառնա մյուս ոլորտներին հանձնվելիք պարգևների վրա:

Գրականության ոլորտում մրցանակաբաշխությունը տեղափոխելու նախաձեռնությամբ հանդես է եկել Շվեդիայի ակադեմիան: Այն արժանացել է նաև Նոբելյան հիմնադրամի հավանությանը:

Հիմնադրամների մասին Շվեդիայի օրենքի համաձայն, ակադեմիան պատասխանատվություն է կրում Ալֆրեդ Նոբելի կտակի իրականացման և մրցանակակիրներին պարգևատրմանւ համար:

«Վերջին մի քանի շաբաթների ընթացքում մենք անընդհատ երկխոսել ենք Շվեդիայի ակադեմիայի հետ, և այդ որշմանը մեր օժանդակությունն ենք հայտնում».- հայտարարել է հիմնադրամը:

Վերջին անգամ գրականության գծով նոբելյան մրցանակը տեղափոխվել է Երկրորդ համաշխարհային պատերազմի ժամանակ՝ 1943թ.-ին:

Մրցանակի տեղափոխության մասին որոշումը կայացվել է «հանրության վստահության բացակայության» պատճառով, որը կապված է մրցանակակիրների անունները ակադեմիայի անդամներից մեկի կողմից բարձրաձայնելու հետ:

«BBC News»-ի տեղեկացմամբ խոսքը լուսանկարիչ Ժան-Քլոդ Արնոյի մասին է (Նա Շվեդիայի ակադեմիայի կին անդամներից մեկի ամուսինն է), որը , իբր, պարբերաբար օտարների մոտ բացահայտել է գրականության ոլորտում ապագա մրցանակակիրների անունները և, միաժամանակ, խոսել է այն մասին, թե ովքեր են լինելու ակադեմիայի նոր անդամներ:

Արնոյին նաև մեղադրել են սեռական հետապնդումներ կատարելու և 18 կնոջ բռնաբարելու մեջ:

Գրականության գծով նոբելյան մրցանակը տրվում է ամեն տարի՝ սկսած 1901թ.-ից: Իր գոյության ընթացքում այս մրցանակը չի հանձնվել 7 անգամ՝ 1914, 1918,1935 և 1940 -1943 թթ.-րին:




Այս թեմայով այլ հղումներ-1
    Դիտվել է 61 անգամ