Քաղաքակրթական ներուժը կեցության բարձրագույն արժեք է:

Կնշեն սերունդների կոնֆլիկտը պատկերողի հոբելյանը

05.24.2018


Այսօր, մայիսի 24-ին, Մոսկվայի Մաքսիմ Գորկու անվան գեղարվեստական ակադեմիական թատրոնն հանդիսատեսին կներկայացնի 19-րդ դարի ռուս դասական գրող Իվան Տուրգենևի «Հայրեր և որդիներ» վեպի բեմական տարբերակը՝ նվիրված գրական հուշարձանն ստեղծողի 200-ամյակին: Այդ մասին տեղեկացնում է «taglur.am»-ը՝ հղում անելով «РИА новости»-ին:

«Հայրեր և որդիներ» վեպը արտացոլում է 19-րդ դարի 60-ական թվականներին ռուսական հասարակության մեջ տեղի ունեցող գործընթացները: Վեպի անզիջում, պրագմատիկ և հեղինակությունների նկատմամբ քամահրալից վերաբերմունք ունեցող գլխավոր հերոս Բազարովի կերպարը այդ ժամանակաշրջանի երիտասարդության համար ծառայում էր որպես օրինակ: Այս ստեղծագործության կենտրոնում երկու սերունդների և նրանց աշխարահայացքների կոնֆլիկտն է, որը հրատապ է բոլոր ժամանակներում:

«Ներկայացման մեջ մենք ցանկացել ենք որպեսզի հանդիսատեսը, ինչպես ժամանակի մեքենայի մեջ, հայտնվի տուրգենևյան ժամանակներում: Ես կարծում եմ, որ, եթե թատրոնը բեմադրում է այսպիսի հեղինակի ստեղծագործություն, ապա պետք է առավելագույնս մոտենալ նրա ժամանակներին»,- ասել է պրեմիերայից առաջ բեմադրության հեղինակ Ալեքսանդր Դմիտրիևը: Նա նաև նշել է, որ այս ներկայացմամբ ինքը փորձում է գրողի նկատմամբ իր սիրով վարակել նաև հանդիսատեսներին, որպեսզի «նրանք բացեն Տուրգենևի վեպը և վերադառնան դանդաղ ընթերցանությանը»:

Եվ ևս մեկ կարևոր նրբագիծ. որպեսի ներկայացման մասնակիցներն առավել լավ ընկալեն հեղինակին. թատերախումբն աշխատանքներն սկսելուց առաջ եղել է Տուրգենևի հայրենական կալվածքում՝ Սպասկոե-Լուտիվինոյում և այն ինչ տեսել ու վերապրել են այնտեղ (հյուրասենյակի դասավորություն, կահույք և անգամ պատերի պաստառը), հնարավորինս տեղափոխել և նյութականացրել են նաև իրենց բեմադրության մեջ:
    Դիտվել է 69 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298>>հաջորդ