Քաղաքակրթական ներուժը կեցության բարձրագույն արժեք է:

Սեքս աղմուկ բարձրացրած պրոդյուսեր Հարվի Վայնշթեյնը ձերբակալվել է

05.25.2018

Այսօր Նյու-Յորքի ոստիկանություն է այցելել երկար ժամանակ իր անվան շուրջ սեքս աղմուկ բարձրացրած հայտնի պրոդյուսեր Հարվի Վայնշթեյնը: Այդ մասին «cbsnews.com»-ի տեղեկատվությունը փոխանցում է «taglur.am»-ը:

Սպասվում է, որ նրա դեմ մեղադրանք կհարուցվի ծանրացուցիչ հանգամանքներով բռնաբարություն և մեկ այլ կնոջ նկատմամբ սեռական բռնություն գործելու հիմքով:

Ասենք, որ 2017թ.- հոկտեմբերից սկսած տասնյակ կանայք են հայտարարել իրենց նկատմամբ Վայնշթեյնի կողմից սեռական հետապնդման մասին: Ամերիկյան որոշ լրատվամիջոցներ տեղեկացրել են, որ պրոդյուսերի նկատմամբ քրեական գործ կարող է հարուցվել, առնվազն, երկու դեպքերով: Դրանցից մեկը կապված է դերասանուհի Լյուսի Էվանսի անվան հետ, որը պնդում է, թե Վայնշթեյնը իրեն ստիպել է զբաղվել օրալ սեքսով: Իսկ մյուսը՝ դերասանուհի Փաս դե լա Ուերթան է, որը հաստատում է, որ պրոդյուսերը իրեն բռնաբարել է:

Այս մեղադրանքներն առաջադրվել են Մանհեթենի մեծ ժյուրի կատարած քննության արդյունքում, սակայն դրանք չեն դարձել պաշտոնական մեղադրանք և վերջնական մեղադրական ակտի կայացումը կախված է շրջանային դատախազ Քիռա Վենսից:

Հաղորդվում է, որ Հարվի Վայնշթեյնը Նյու-Յորքի ոստիկանություն մտնելուն պես ձբակալվել Է:






Այս թեմայով այլ հղումներ-1
    Դիտվել է 669 անգամ