Քաղաքակրթական ներուժը կեցության բարձրագույն արժեք է:

Օբամայի վարչակազմը ձգտում է վերադարձնել իր դիրքերը UNESCO-ում

11.12.2013


Միացյալ ազգերի Կրթության, գիտության և մշակույթի հարցերով կազմակերպությունում (UNESCO) ԱՄՆ-ի ձայնի իրվունքը վերադարձնելու հիմքեր ներկա պահին դեռ չկան, հաղորդում է «vesti.ru»-ն՝ հղում անելով այդ միջազգային կառույցում Ռուսաստանի ներկայացուցիչ Էլեոնորա Միտրոֆանովային:

Հաղորդվում է, որ UNESCO-ում ԱՄՆ-ի ներկայացուցիչը նոյեմբերի 8-ին հայտարարել է, որ նախագահ Օբամայի վարչակազմը ձգտում է ետ վերադարձնել այդ կազմակերպությունում իր դիրքերը, սակայն Կոնգրեսը դեռևս չի ամրապնդում այդ ձգտումն անհրաժեշտ և ուղղորդված ֆինանսական միջոցներով:

«ԱՄՆ-ն այս պահին իր ձայնի իրավունքը UNESCO-ում վերադարձնելու հիմքեր չունի: Կազմակերպության կանոններով, եթե երկիրը երկու տարի անդամավճար չի մուծում, ընդ որում ունենալով նաև ևս երկու այլ տարիների համար չմարված պարտքեր, ինչը մենք այս դեպքում արձանագրում ենք ԱՄՆ-ի կապակցությամբ, ապա նա կորցնում է ձայնի իրավունքը »,- ասել է Միտրոֆանովան՝ նշելով, որ ԱՄՆ-ի պարտքը, ընդհանուր առմամբ, կուտակվել է երեք տարվա կտրվածքով:

Ռուսաստանի ներկայացուցիչը նշել է, որ ԱՄՆ-ն որքան չմուծի, այնքան նրա պարտքը կմեծանա, ուրեմն այդքան էլ դժվար կլինի Օբամայի վարչակազմի համար Կոնգրեսում հիմնավորել UNESCO վերադարռնալու անհրաժեշտությունը: Դրա հետ միաժամանակ Միտրոֆանովան ասել է, որ, այնուամենայնիվ, կա նաև հնարավորություն UNESCO-ի հանդեպ ունեցած պարտքը կազմալուծելու համար:
«Իհարկե ԱՄՆ-ի անդամավճարների հետ կապված դեպքը բացասաբար է անդրադառնում UNESCO-ի վրա: Նրա մասնաբաժինը կազմակերպության ընդհանուր բյուջեի 22 տոկոսն է կազմում,- խոստովանել է Միտրոֆանովան և հիշեցրել, որ ԱՄՆ-ն պաշտոնապես հրաժարվել է անդամավճարներ մուծել այն բանից հետո, երբ UNESCO-ի շարքեր ընդունվեց Պաղեստինը»:

Սակայն UNESCO-ի վրա մեծ ներգործություն է ունեցել ոչ թե այդ պաշտոնական հրաժարումը, այլ դրանից առաջ ԱՄՆ-ի կողմից համապատասխան վճարումներ չկատարելը դեռ այն ժամանակ, երբ Պաղիստինը կազմակերպության անդամ չէր հանդիսանում:

«Այս ամենը շատ ցավոտ գործընթաց է UNESCO-ի համար, և այն դեռ չի ավարտվել: Սակայն ներկա պահին, կարելի է ասել, որ կազմակերպության բյուջեն քիչ թե շատ հնարավոր է եղել կարգավորել»,- ընդգծել է Միտրոֆանովան:
    Դիտվել է 542 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377>>հաջորդ