Քաղաքակրթական ներուժը կեցության բարձրագույն արժեք է:

Ինժեներական կառուցվածքները, արտադրամասի սարքավորումները և կաքավող պարողները

06.09.2018


Շաբաթավերջի երկու օրերին, հունիսի 9-ին և 10-ին Ռուսաստանի Նիժեգորոդի մարզի Վիկսե քաղաքում կկայանա թվով 8-րդ «Արթ-Օվրագ» թատերական փառատոնը, որի գլխավոր թեման ունի «Օգտակար արվեստ» վերնագիրը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Թատերական փառատոնի հետաքրքիր անակընկալներից մեկն այն է, որ ցուցատրվելիք «Կրքեր ըստ Մարտենի» ներկայացման մեջ հեղինակները որպես բեմական ձևավորման դեկորացիա ընտրել են մետաղաձուլական հսկայական մարտենյան վառարանով արտադրամասը:

Փառատոնի կազմակերպիչները խոսելով ներկայացման համար այսպիսի տարօրինակ դեկորացիա ընտրելու գաղափարի մասին, նշել են, որ «Կրքեր ըստ Մարտենի» ներկայացումը նվիրված է Ռուսաստանում գոյություն ունեցող մարտենյան արտադրամասերից մեկի փակմանը:

«Մենք ցանկանում ենք հանդիսավոր ձևով ճանապարհել ոչ թե պարզապես արտադրությունը, այլ արդյունաբերական դարաշրջանի ողջ փուլը: Մենք կարծում ենք, որ շատ հետաքրքիր կլինի միավորել իր ծանր արտադրությամբ և մասշտաբային ինժեներական լուծումներով հսկայական մարտենյան արտադրամասը՝ ոչ պակաս հսկայական ստեղծագործական նախագծի հետ, որտեղ արվեստի տարբեր ոլորտները կհամագործակցեն մեկը մյուսի հետ: Ընդ որում, դեկորացիա է հանդիսանում հենց արտադրամասը՝ իր մարտենյան վառարանով»,- ասել է միջոցառման կազմակերպիչներին սատարող հոգաբարձուական հիմնադրամի նախագահ Իրինա Սեդիխը:

Ըստ նրա, նախատեսվում է, որ հանդիսատեսները կշարժվեն արտադրամասի տարածքում, իսկ այնտեղ գտնվող սարքավորումները կկիրառվեն ներկայացման ընթացքում, մեխանիզմները կկենդանան իրենց համար նոր դերերի մեջ:

Սեդիխի ասելով ներկայացման մեջ զբաղված պարողների շարժումներն ինչ-որ ձևով կկրկնեն այս արտադրամասում երբեմնի աշխատող մարդկանց և մեխանիզմների շարժումները: Նա ընդգծել է, որ անսովոր ներկայացումը յուրահատուկ եղանակով համադրում է արտադրամասի ծանր ինժեներական կառուցվածքները, կաքավող պարողներին և այնտեղ եղած սարքավորումները, որոնք մեկ տարածության մեջ կներկայանան շատ գրավիչ և հետաքրքիր:

Ներկայացումը, որը բեմադրել է ռուսական ազգային բարձրագույն թատերական «Ոսկե դիմակ» մրցանակի դափնեկիր, ռեժիսոր Աննա Աբալիխինան, կցուցադրվի ընդամենը 3 անգամ:: Թատրոնի վերածված արտադրամասում ամեն անգամ ներկա կլինի 200-ից ոչ ավելի հանդիսատես:

Կազմակերպիչները որոշել են այս ներկայացումը տեսագրել բոլոր նրանց համար, ում բախտ չի վիճակվի գտնվել իրական ցուցադրությանը, բայց կցանկանան այն դիտել այդ ձևաչափով:

    Դիտվել է 11 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287>>հաջորդ