Քաղաքակրթական ներուժը կեցության բարձրագույն արժեք է:

Ձգողականության կենտրոնը միշտ եղել է Ռուսաստանի մշակութային կոդը

11.13.2013

Սանկտ-Պետերբուրգում նոյեմբերի 19-21-ը Պետական Էրմիտաժում կկայանա Ռուսաստանի, ԱՊՀ երկրների և Եվրամիության երիտասարդ լրագրողների «Մշակույթների երկխոսություն» 8-րդ մեդիաֆորումը: Այդ առթիվ «newizv.ru» կայքին տված հարցազրույցում Մեդիակոնգրեսի խորհրդի նախագահ Աշոտ Ջազոյանը ասել է, որ ֆորումի ժամանակ կքննարկվի «Ռուսաստան-Եվրամիություն. առասպելները և իրականությունը ԶԼՄ-ներում» թեման, որի ընթացքում կպարզաբանվի թե աշխարհաքաղաքական այդ երկու միավորների միջև հարաբերությունները ի՞նչ հավանական ճանապարհով կարող են ընթանալ՝ հակասությունների սրման, թե՞ երկխոսության և ինչպիսի՞ հնարավորություններ կան նրանց միջև անդրսահմանային մեդիա նախագծեր իրականացնելու համար: «Եվ ավելի լավ որտե՞ղ, եթե ոչ Պետերբուրգում մենք կկարողանանք կամուրջներ կառուցել Արևմուտքի և Արևելքի միջև»,- նշել է Աշոտ Ջազոյանը:

Այդ միջոցառմանը մասնակցելու են 30 երկրի ներկայացուցիչներ: Երիտասարդ լրագրողները բազմաթիվ այլ հարցերի հետ մեկտեղ կքննարկեն նաև մուլտիկուլտուրալիզմի և հետսովետական տարածաշրջանի ու Եվրամիության ԶԼՄ-ներում ազգային նույնականությանը վերաբերող զանազան հարցեր:

Ջազոյանը նշել է, որ «… մուլտիկուլտուրալիզմի հիմնախնդիրը ամբողջ աշխարհում դարձել է շատ կարևոր թեմա և մենք ցանկանում ենք այդ մասին վարել բաց խոսակցություն»: Նա ընդգծել է, որ «Եթե խոսենք ազգամիջյան հարաբերությունները կարգավորելու մասին, ապա Ռուսաստանը շատ ավելի մեծ փորձ ունի այդ խնիրը լուծելու համար, քան բոլոր մյուս օտար երկրները»:

«… Ձգողականության կենտրոնը միշտ եղել է Ռուսաստանի մշակութային կոդը: Շատ կարևոր է վերադարձը դեպի այդ «կոդը»: Ռուսաստանն ունի, թե ումից կարող է նման հարցերը սովորել: Երբ այդ մասին ասում եմ, ապա ես նկատի չունեմ Լենինին: Ես նկատի ունեմ Պուշկինին, Լերմոնտովին, Գրբոյեդովին, Բունինին, Ռախմանինովին…»,-ասել է Աշոտ Ջազոյանը:

    Դիտվել է 534 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393>>հաջորդ