Քաղաքակրթական ներուժը կեցության բարձրագույն արժեք է:

Մինոտավրոսը դեռ ապրում է Ալեքսանդրինյանի լաբիրինթոսում

11.13.2013

2010-ի աշնանը բեմադրված Եվգենի Սաֆոնովի «Թագավորներ» պիեսը, պրեմիերայից 3 տարի անց, կրկին մնում է ամենապահանջարկվածներից մեկը, տեղեկացնում է, Սանկտ-Պետերբուրգի Ալեքսանդրինյան թատրոնի պաշտոնական կայքը:

Ներկայացման հիմքում 20-րդ դարի գրականության դասական, արգենտինացի Խուլիո Կորտասարի ստեղծագործությունն է, ինչն էլ իր հերթին հյուսված է մեկ այլ դասական թեմայի՝ հին հունական Մինոտավրոսի մասին լեգենդի հիման վրա:

«Դասականը» հեղինակ է, որին այլևս չեն կարդում, բայց ցիտում են»,- մի առիթով նշել է 20-րդ դարի կինոյի և թատրոնի խոշորագույն գործիչներից մեկը՝ արտիստ և ռեժիսոր, «Օսկարի» և «Ոսկե գլոբուսի» եռակի դափնեկիր Լոուրենս Օլիվյեն:

Պետերբուրգյան թատրոնի ներկայացման առանցքը Մինոտավրոսն է: Հին հունական լեգենդի այդ կերպարը մարդու մարմնով և ցլի գլխով հրեշ էր: Նա ապրում էր Կրետե կղզու լաբիրինթոսում և սնվում էր իր մոտ ուղարկված Աթենացի պատանիներով և աղջիկներով:

Հենց այս հրեշի կերպարն էլ բեմադրության մեջ օգտագործվում է որպես օժանդակ սիմվոլ «արքայական» իշխանության և վախի երկմիասնության մասին մտորելու համար:

Ենթադրելով, թե ով կարող է լինել, լաբիրինթոսի ներսում` արքաները, ակամա, թվացյալ հրեշին օժտում են իրենց բնորոշ վախերով, թուլություններով, ցանկություններով` դրանով իսկ իրենց ներսում ստեղծելով «փոքրիկ մինոտավրոսներ» և պայքարելով նաև դրանց դեմ:

Այդ պայքարն, ի վերջո, վերաճում է սեփական «Էգոյի», սեփական «ես»-ի ազատագրման համար մղվող պայքարի: Սյուժեի ինտրիգը ողջ ընթացքում բաձրացվող հարցն է` ունա ՞կ է արդյոք մարդը բացահայտել իր իրական ցանկությունները, սանձահարել սեփական «հրեշներին»` դրանով իսկ ձեռք բերելով խաղաղություն, թե՞ պայքարն անիմաստ է:

Ավանդության հետ հարազատությունը պահպանելու համար ներկայացման հեղինակները լաբիրինթոսը բեմ բարձրացնելու յուրահատուկ լուծում են գտել` օգտագործելով քառակուսի հայելապատ դեկորացիա, որտեղ հայտնվելով՝ արքաները հանդիպում են այնքան քննարկված սարսափելի հրեշներին` հանձինս իրենց:
    Դիտվել է 500 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255>>հաջորդ