Քաղաքակրթական ներուժը կեցության բարձրագույն արժեք է:

Մյունխենում որոշել են զուգակցել հումորը և պաթոսը

07.24.2018


Մյունխենում, Բավարիայի պետական օպերայում կայացել է «Ռոլանդ֊Փալադին» ներկայացման պրեմիերան։ Հայդնի հերոսական֊կատակերգական օպերան բեմադրել է ռեժիսոր Աքսել Ռանիշը։ Այդ մասին «tvkultura.ru»֊ի տեղեկատվությունը փոխանցում է «taglur.am»-ը։

«Հերոսական֊կատակերգական» բառակապակցությունը մտածել է ինքը՝ կոմպոզիտորը, որպեսզի ներկայացնի իր ստեղծագործությունը, որտեղ համամասնորեն զուգակցվում է հումորը և պաթոսը։ Այս հակադրությունը արտահայտվել է նաև երաժշտության մեջ։ «Ռոլանդ֊Փալադին» օպերան ձեռք է բերել հսկայական մասսայականություն դեռ Հայդնի կենդանության օրոք։ Ռեժիսոր Աքսել Ռանիշը հաջողությամբ աշխատում է, ոչ միայն թատրոնում, այլև՝ կինոյում։ Այդ պատճառով նա իր հերոսներից մի քանիսին որոշել է տեղավորել տնային կինոթատրոնում, իսկ գործողության մի մասը ներկայացնում է էկրանին։ Բեմադրության մեջ միավորվում են դրաման, կատակերգությունը և հեքիաթը։

«Բոլոր հերոսները սևեռված են անհաղթահարելի ցանկություններով, և, միաժամանակ, տագնապով, որովհետև նրանք չգիտեն, թե ինչպես պետք է իրականացնեն այդ ցանկությունները։ Այդպես է պատահում նաև իրական կյանքում։ Ահա թե ինչու օպերան արձագանք է ստանում հանդիսատեսների սրտերում»,֊ ասել է ներկայացման ռեժիսորը։

Ռոլանդի պարտիան կատարում է ֆրանսիացի տենոր Մաթիաս Վիդալը։ Ըստ նրա, այս կերպարը մարմնավորելու դժվարությունն այն է, որ նրանում պետք է համատեղվի «հերոսականությունը և բուֆֆոնադան»։

Ավստրիացի կոմպոզիտոր Ֆրանց Յոզեֆ Հայդնը (1732-1809թթ․) Վիենայի դասական դպրոցի ներկայացուցիչ է։ Նա համարվում է սիմֆոնիայիև լարային կվարտետի հիմնադիրներից մեկը։
    Դիտվել է 53 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ