Քաղաքակրթական ներուժը կեցության բարձրագույն արժեք է:

Գերմանիայի թատերական իրականության մեջ շատ բան է փոխվել

08.21.2018

Այսօր, օգոստոսի 21-ին, Մոսկվայում մեկնարկել է թատերական մանկական ներկայացումների «Գավրոշ» փառատոնը: Այս փառատոնի առանձնահատկությունն այն է, որ ամեն տարի այս թատերական միջոցառումը նվիրված է, որևէ մեկ երկրի: Այս անգամ այդ երկիրը Գերմանին է: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ըստ փառատոնի արթ-տնօրեն Մարինա Ռայկինայի, գերմանացի արտիստները Մոսկվա են բերել «ամբողջական ժանրային ներկապնակ»: Բոլոր թատրոններն առաջին անգամ են հանդես գալու մոսկվացի հանդիսատեսների առջև: Նա հիշեցրել է, որ 2019թ.-ին կտոնեն աշխարհում մեծ ազդեցություն ունեցող Բաուխաուս ճարտարապետական-գեղարվեստական երևույթի 100-ամյակը: Այդ առթիվ ներկայացումների ցանկում կա Դյուսելդորֆ քաղաքի «Ձայների թատրոնում» Բաուխաուսի հիման վրա կառուցված «Մեխանիկական բալետ» վերնագրով ներկայացումը: Այս բեմադրությունը իրականացվել է ըստ Բաուխաուս դպրոցի 1923 թվականներին կատարված էսքիզների և հասցեագրված է դպրոցական կրտսեր տարիքի հանդիսատեսների համար:

Փառատոնում հանդես կգա գերմանացի հայտնի տիկնիկախաղաց Ֆրանք Զյոնլեն, որն իր գեղարվեստական ղեկարությամբ գործող Թյուբինգեն թատրոնի խմբի հետ կներկայացնի առանց խոսքերի «Ջրի տակ» բեմադրությունը:

Հետաքրքիր է լինելու նաև գերմանացի արտիստների մեկնաբանությամբ չեխովյան «Կաշտանկայի» բեմադրությունը, որը հատկապես աչքի է ընկնում իր երաժշտական էքսցենտրիկ կառուցվածքով, որտեղ հերոսները երաժիշտներ են, իսկ նրանց գործիքներից յուրաքանչյուրը համապատասխանում է այս կամ այն կերպարին:

Ասենք, որ սա «Գավրոշ» փառատոնի շրջանակներում գերմանիային նվիրված երկրորդ միջոցառումն է: Մարինա Ռայկինան նշել է, որ անցած 6 տարիների ընթացքում շատ բան է փոխվել նաև Գերմանիայի թատերական իրականության մեջ: Ծնվում են նոր կոլեկտիվներ, նոր ներկայացումներ: «Ցանկություն է առաջանում ցուցադրել նոր միտումները, այն կոլեկտիվներին , որոնք 6 տարի առաջ չէին ներկայացվել»,- նշել է նա:

Ասենք, որ գերմանական թատերախմբերը ներկայացումներ են նախատեսել նաև 2-ից բարձր տարեկան անչափահասների համար: Կազմակերպիչները և գերմանացի արտիստները հաշվի են առել նաև 10-11 տարեկան երեխաների պահանջարկը, որոնց մասին թատերական ռեժիսորները, ասենք նաև՝ ռուսաստանցի դրամատուրգները, հաճախ մոռանում են:
    Դիտվել է 54 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308>>հաջորդ